Amiss Prayer (Zawgyi&Unicode) [Completed]

part-3(တည်ငြိမ်နေသော)

For Unicode
တည်ငြိမ်‌နေသော

“ အောင်ပိုင်... ငါအလုပ်ထွက်တော့မယ်.. "

“ ဟမ်.. ဘာလို့လဲ.. ဒီအလုပ်ကအဆင်မပြေလို့လား.."

“ မဟုတ်ဘူး..ငါတို့မိသားစုက.. အိမ်ပြောင်းတော့မှာမို့လို့ "

“ အလုပ်ပါထွက်ရလောက်အောင်.. ဘယ်နေရာကို ပြောင်းမှာမို့လို့လဲကွ.. မင်းတို့က.."

“ သီပေါမြို့ကို... "

“ ပြောင်းတတ်လိုက်တာ.. ရန်ကုန်ကလူက ဘယ်လိုလုပ်ပြီး သီပေါမြို့ကအိမ်ကိုရှာတွေ့လဲ..။ ထားပါလေ။ အခုမင်းကထွက်စာတင်တော့မှာပေါ့ "

“ အင်း..."

“ ကိုထက်ကြီးတော့အသည်းကွဲပြီ.. "

သက်တော်ရှည်ရန် ကံပါသည်ထင်သည်။ ပြောရင်းဆိုရင်းပင် ကိုထက်ဝင်လာသည်။ ကိုထက်၀င်လာသည်ကိုတွေ့အခါ မိမိအိမ်ပြောင်းမည့်ကိစ္စအား အောင်ပိုင်က ဦးစွာပြောပြလိုက်သည်။

“ ကိုထက်ကြီးရေ.. မြတ်သူက အလုပ်ထွက်တော့မယ်တဲ့.."

အောင်ပိုင့်စကားကြောင့် ကိုထက်သည် စိုးရိမ်သိလိုမှုများနှင့်မြတ်သူအနားကိုချက်ချင်း ရောက်လာသည်။

“ မြတ်သူ ဘာလို့အလုပ်ထွက်မှာလဲ..။ အဆင်မပြေတာရှိလို့လား.."

“ အလုပ်အဆင်မပြေလို့မဟုတ်ပါဘူး...။ ကျွန်တော်တို့အိမ်ပြောင်းမှာမို့လို့ပါ "

အချစ်က လိုက်လေဝေးလေပါလား။ ရပ်နေတုန်းကလည်း ကိုယ့်ဆီရောက်လာမပါဘူး..။ လိုက်ပြန်တော့လည်း သူကထွက်ပြေးသွားတယ်..။ ခါးသက်လွန်းတဲ့ ကျွန်တော့ဘဝကြီးကို စိတ်နာမိတယ်။ ကိုယ်ကသူတို့တစ်လမ်းကျော်ကို အိမ်ပြောင်းလာတော့ သူကသီပေါကိုပြောင်းမယ်တဲ့လား။

“ မြတ်သူက မလိုက်သွားလို့မရဘူးလား.. "

“ မရဘူးလေ..။ ရှိတာမှ မိသားစုလေးသုံးယောက်တည်းကို "

“ ဪ... အင်းပါ... "

“ ဒီညနှုတ်ဆက်ပွဲလေးလုပ်မလို့..။ မိုး ဆိုင်မှာလေ..။ ကိုထက်လိုက်မှာလား.. "

“ အင်း.. လိုက်ရမှာပေါ့..."

နှုတ်ဆက်ပွဲဟု ဆိုသော်လည်း လူများများစားစားမပါ။ အောင်ပိုင်၊ ကိုထက်၊ အလုပ်မှ အသိအစ်မနှစ်ယောက်ရယ်သာ။