Amiss Prayer (Zawgyi&Unicode) [Completed]

Part-4(နှလုံးသား)

For Unicode
နှလုံးသား

“ သားလေး နေမကောင်းဘူးလား... "

“ ကောင်းပါတယ်မေမေရဲ့.. ဘာလို့လဲ...."

“ သားကြည့်ရတာ အေးတိအေးစက်နဲ့.... "

“ စစရောက်ခါစဆိုတော့ အပေါင်းသင်းလည်းမရှိသေးဘူးလေ။ အလုပ်လုပ်ကလည်း ရှာတုန်းဆိုတော့ စာအုပ်ဖတ်လိုက် အိပ်လိုက်နဲ့။ အဲဒါကြောင့်အေးတိအေးစက်ဖြစ်နေတယ်လို့ မေမေထင်တာပါ.."

“ အေးပါ.. သားလေးနေကောင်းရင်ပြီးရောလေ.."

“ ဒါနဲ့မေမေ.. ကိုကိုနဲ့ရောဖုန်းပြောဖြစ်သေးလား..."

“ ဟိုနေ့ကတော့ ပြောဖြစ်တယ်"

“ ကိုကိုရော နေကောင်းရဲ့လား.."

“ ကောင်းပါတယ်သားရဲ့ "

“ ဟိုလေ..ပိုက်ဆံရောပို့ရဲ့လား "

“ ပို့ပါတယ်.. ဘာလဲ.. သားအသုံးလိုတာရှိလို့လား မေမေပေးမယ်လေ.."

“ မလိုပါဘူး.. သားကအခု အလုပ်မရသေးတော့ မေမေတို့ငွေရေးကြေးရေး အဆင်မပြေမှာစိုးလို့ပါ.."

“ မေမေတို့ အဆင်ပြေပါတယ်သားရဲ့..။ သားကလိုအပ်တာရှိရင် မေမေ့ကိုပြောနော်.."

“ ဟုတ်..."

မွေးထား‌သောသားနှစ်ယောက်လုံးသည် ဒေါ်မြတ်ကေသီကို အလွန်အကျိုးပေးပါသည်။ လိမ္မာသည်။ မိဘကိုလည်းသိတတ်သည်။ ဤကဲ့သို့ အဖိုးတန်သားလေးများ ရထားသည်မှာ အမှန်ပင်ကံကောင်းပါသည်။

“ မေမေ.. သားခြံထဲကိုလမ်းလျှောက်ဆင်းလိုက်ဦးမယ်နော်"

“ အေးအေး.."

မေမေကိုပြောပြီးနောက် ခြံထဲသို့ လမ်းလျှောက်ဆင်းလာသောအခါ ခြံစောင့်အဘကိုတွေ့သည်။ မိမိကစတင်ကာ နှုတ်ဆက်လိုက်သည်။

“ အဘ.. ဘာတွေလုပ်နေတာလဲ.."

“ သြော်.. ကောင်လေးပါလား အဘကအမှိုက်ရှင်းနေတာပါ "

“ သား ဝိုင်းလုပ်ပေးမယ်လေ.."

“ နေပါစေကွယ်.. အဘ ကိုယ့်ဘာသာကိုယ် လုပ်ပါ့မယ်...။ တော်ကြာ.. ကောင်လေးကိုအလုပ်ခိုင်းလို့ သခင်လေးစိတ်ဆိုးနေဦးမယ်..."