Amiss Prayer (Zawgyi&Unicode) [Completed]

Part-9(မဆုံစည်းသည်အထိ)

For Unicode
မဆုံစည်းသည်အထိ

ခြားနားသောဘဝကိုယ်စီဖြင့်ရှိကြသော သူနှင့်မိမိသည် တစ်ဦးနင့်တစ်ဦးမေတ္တာရှိကြသည်။ မိမိတို့၏ မေတ္တာကြိုးလေးနှစ်ချောင်းသည် သွယ်ယှက်၍မရနိုင်။ သို့သော် သွယ်ယှက်စေရန်ကြိုးစားနေသည်မှာ ထိုနှစ်ဦးသားပင်။ မဖြစ်နိုင်ကြောင်းသိလျက် ရှေ့ဆက်တိုးမိသည်။ မရနိုင်ကြောင်းသိလျက် မျှော်လင့်နေမိသည်။

မရနိုင်မှန်း.. မဖြစ်မှန်းသိသိနဲ့ နောက်ဆုတ်ဖို့ မစဉ်းစားမိဘူးလား။

စဉ်းစားဖူးပါသည်။ နောက်ဆုတ်ရန်လည်းကြိုးစားဖူးပါသည်။ သို့သော်... မွန်းကျပ်ရုံမှအပ ပို၍ထူးခြားမလာခဲ့။ ပြတ်တောက်ရမည့်သံယောဇဉ်အစား ရှိနေသောသံယောဇဉ်ကြိုးကလေးသည် ပို၍ပင်ခိုင်မာလာသည်။ သူ့ကိုကြောက်ရမည့်အစား ပို၍ပင်နှစ်သက်မိသည်။ အဆုံးသတ်၌နောင်တရမှာကိုသိသိနှင့် ထိုနောင်တအား ခေတ္တလျစ်လျူရှုထားမိသည်။

ခင်းဗျားကို ကျွန်တော်ချစ်သည်။ ခင်ဗျားကိုချစ်မိ၍ ရမည့်နောင်တကို ကျွန်တော် ပျော်ပျော်ကြီးစောင့်နေဦးမည်။ ကျွန်တော်သည် လူသားတစ်ဦးဖြစ်သည်။ အချိန်တန်လျှင် သေရမည်ကိုသိသည်။ မသေခင်အချိန်အတွင်း ခေတ္တမျှပင် ဖြစ်ပါစေ အပျော်ရွှင်ရဆုံးအချိန်ကာလလေး တစ်ခုအားကျွန်တော်ဖန်တီးချင်သည်။ မိဘစကားအား မြေဝယ်မကျနားထောင်လာသည့် ကျွန်တော်သည် မိဘများကိုစိတ်ချမ်းသာစေရန် ဆောင်ရွက်ပေးနိုင်ခဲ့သည်။ မိဘစကားကိုနားထောင်သောကြောင့် ကျွန်တော့်မိဘများလည်းစိတ်ချမ်းသာသကဲ့သို့ ကျွန်တော့်အဖို့ရာလည်း ကောင်းကျိုးများသာရခဲ့သည်။

တစ်သက်လုံးမိဘအလိုကျနေခဲ့တဲ့ ကျွန်တော်က တစ်ခါလောက် မိဘစကားကိုဆန့်ကျင်ရုံ၊ မိုက်ရူးရဲဆန်ရုံနဲ့ အပြစ်မကြီးလောက်ပါဘူးနော်။ ကျွန်တော်လိမ္မာခဲ့တာတွေကို ထောက်ရှုပြီး ကျွန်တော်တစ်ခါမှားတာကိုခွင့်လွှတ်ပေးနိုင်မလား မေမေ။

တောင်းပန်ပါတယ် မေမေ။ ဘဝမှာတခါလောက် အပျော်ရွှင်ရဆုံးဆိုတဲ့ ခံစားချက်ကို ခံစားဖူးချင်လို့ မေမေစကားကို နားမထောင်သလိုဖြစ်သွားတဲ့အတွက် သားတောင်းပန်ပါတယ်မေမေ။