Amiss Prayer (Zawgyi&Unicode) [Completed]

Part-1(သာမန်ဘ၀လေး)

For Unicode
သာမာန်ဘဝလေး

အမှောင်အတိ ဖုံးလွှမ်းနေသော တောအုပ်ကြီးတစ်ခု..။ မီးတိုင်ကိုင်ထားသော အမျိုးသားနှစ်ဦးနှင့်‌ ကြောက်စဖွယ်ကောင်းစွာ လှပသည့်အမျိုးသမီးတစ်ဦး...။

မီးတိုင်ကိုင်ထားသောအမျိုးသာနှစ်ဦးဟာ ထိုမီးတိုင်များနှင့် မိမိ၏ကျောသို့ရိုက်ခက်နေသေးသည်။ နာကျင်မှုကြောင့် အော်ဟစ်ချင်သောလည်း အော်ခွင့်မရ။

ထို့နောက် အမျိုးသားတစ်ဦးထပ်ရောက်လာပြီး ရွှေရောင်ဓားအိမ်ထဲမှဓားကိုထုတ်ကာ မိမိလည်ပင်းအား ဖြတ်တော့မည့်ဟန်နှင့်တင်ထားသည်..။

ထိုလူသားသည် မိမိအားစကားအချို့ပြောနေတာကိုသိသည်။ သို့သော်..မကြားရ။ သွေးများသည် မျက်လုံးထဲသို့ယိုစီးလာသောကြောင့် ထိုလူသားတို့၏မျက်နှာကိုသဲကွဲစွာမမြင်ရ။ ထို့နောက်မိမိဝမ်းဗိုက်ထဲကိုနာကျင်စွာတိုးဝင်လာသော ထိုလူသားကိုင်ထားသည့်ဓား....။

“ အား.. “

ချွေးများစိုနင့်လျက် မောဟိုက်စွာလန့်နိုးလာခဲ့သည်။

ဘယ်လိုအိပ်မက်မျိုးလဲ။ ဘယ်လောက်တောင်ကြောက်ဖို့ကောင်းလိုက်သလဲ။

ထိုအိပ်မက်ကနိုးထလာတိုင်း လူကအားအင်မရှိတော့သည်နှယ်။ အလွန်ပင်ပန်းလှသည်။

မိမိသတိထားမိသည်က ထိုအိပ်မက်အား တစ်နှစ်တစ်ခါ မက်မြင်ရသည်ပင်။ မြင်မက်သည့်ရက်တိုင်းကလည်း ကိုးလပိုင်းကိုးရက်နေ့။ ထူးဆန်းလှသည်။

အဲဒီအိပ်မက်ကိုပဲ တစ်နှစ်မှာတစ်ခါမက်မြင်နေရတာ ကျွန်တော့်အတွက်တော့ထူးဆန်းတယ်။ တခြားအိပ်မက်များကို မေ့သွားပေမဲ့ ဒီအိပ်မက်ဆိုးကြီးကိုမေ့မရဘူး။ ပြန်တွေးတိုင်းလည်း မွန်းကျပ်တယ်။ မေမေနဲ့ဘွားဘွားကိုပြောပြတော့လည်း ကယောင်‌ချောက်ချားဖြစ်တာနေမှာပါတဲ့။ အဲဒီကယောင်ချောက်ချား တစ်နှစ်မှာတစ်ခါဖြစ်တာလား။

ဟူး... စိတ်ရှုပ်လိုက်တာ....။

တော်တော်ကြောက်စရာကောင်းတဲ့အဲဒီအိပ်မက်ကြီး မက်မြင်ပြီးလူက တစ်ညလုံးအိပ်မရ...