Amiss Prayer (Zawgyi&Unicode) [Completed]

Part-15(သူ့အတွက်..)

For Unicode
သူ့အတွက်

သခင်လေးထံမှ ပြန်လာပြီးနောက် အဘသည် မိမိအား စိုးရိမ်တကြီးနှင့်မေးရှာသည်။

" သား.. သခင်လေးကခေါ်တယ်ဆို။ ဘာကိစ္စခေါ်တာလဲ.."

" ဘာမှမဟုတ်ပါဘူးအဘ.. သူ့အခန်းထဲက မင်တွေဖိတ်ကျတာကိုရှင်းခိုင်းတာပါ "

" ဘာမှမဖြစ်တာ သေချာလား "

" ဟုတ်ကဲ့.. တကယ်ဘာမှမဖြစ်ပါဘူး "

" အေးကွယ်.. မဖြစ်ရင်ပြီးတာပါပဲ..။ သခင်လေးက စိတ်ဆက်တော့ အဘက သားအတွက်စိုးရိမ်တယ် "

" ဟိုအရင်လူတွေလို အပြစ်ပေးခံရမှာကို အဘစိုးရိမ်တာလား "

" အေးကွယ် "

" မစိုးရိမ်ပါနဲ့အဘရယ်.. သားကမဟုတ်တာမလုပ်ပါဘူး..။ ဒါနဲ့လေ သားတစ်ခုလောက်မေးချင်တယ်..။ သခင်လေးက အဲဒီလိုတွေနှိပ်စက်နေတော့ ပလိပ်တွေက မဖမ်းဘူးလား.. "

" ရေများရေနိုင် မီးများမီးနိုင်ခေတ်လေကွယ်။ နိုင်ငံရေးဥပဒေဆိုတာ သူတို့တွေအတွက် ပြဌာန်းထားတာမဟုတ်သလိုပါပဲ "

အဘပြောသည်များကို ယုံရန်အဖို့ရာ မိမိအနေနှင့်ခက်ခဲလွန်းနေသည်။ မိမိမြင်နေရသည့် သခင်လေးမှာ တစ်ခါတစ်ရံအေးစက်သောငြား.. နွေးထွေးမှုလည်းရှိပါသည်။ နူးညံ့မှုလည်းရှိပါသည်..။ သဘောထားလည်း ကောင်းနေသည်။ မိမိကိုယ်တိုင်သည်လည်း သခင်လေးအပေါ် အကောင်းမြင်ဝါဒကိုသာ လက်ကိုင်ထား၍ ကြည့်နေ၍လားတော့မသိ..။ သခင်လေး ပြုလုပ်သမျှ အကောင်းသာမြင်သည်။ သဘောကျမိပါသည်။

ထိုသဘောကျမှုသည် လေးစားအားကျ၍သာ သဘောကျခြင်းမျိုးဖြစ်စေရန် အခါခါဆုတောင်းခဲ့သော်လည်း မိမိဆုတောင်းသမျှသည် ပြည့်ဝမလာခဲ့ပေ။

ထိုနေ့ညတွင် ဆုတောင်းများမပြည့်သောကြောင့် တွေဝေနေသောကောင်လေး ရှိနေသကဲ့သို့ မိမိကြိုးဆွဲရာကို ကမည့်လူသားတစ်ယောက်အား ပိုင်ဆိုင်ထားရ၍ ပျော်နေသော ကောင်လေးလည်းရှိနေခဲ့သည်။

ထိုတစ်နေ့တာ ကျော်လွန်ပြီး နောက်တစ်နေ့နံနက်ခင်းတွင်လည်း ထုံးစံအတိုင်းပင် သခင်များသုံးဆောင်ရန် မနက်စာစားပွဲကို အိမ်တော်ရှိ အစေခံများက ပြင်ဆင်ပေးနေရသည်။ သခင်လေးမှာမူ နံနက်စာသုံးဆောင်ရန် အချိန်နီးကပ်သည်အထိ အိပ်ရာမှမထသေးပေ။