To Be With You_Season (2) Completed [ Z&U ]

TBWY (S_2) 2

Part (2) U

"ငယ်...ငယ်..."

"အင်...ကိုကို...ရောက်ပြီလား..."

"မျက်လုံးအောင့်မယ်....အိပ်ပုပ်လေးရဲ့..."

ရင်ခွင်ထဲမှီရာက ခေါင်းလေးထောင်ကာ မျက်လုံးအစ်အစ်လေးတွေကို လက်ဖမိုးလေးနှင့် ပွတ်နေတာမို့ လက်လေးကို အသာဖမ်းထိန်းပြီး ဆံပင်အုပ်အုပ်လေးတွေကို တစ်ချက်နှစ်ချက် သပ်ပေးကာ အပေါ်ဝတ်လေးကို ပြင်ခြုံပေးပြီး နှစ်ယောက်သားအေးဆေးမှ ဆင်းလာခဲ့လိုက်သည်။

လေဆိပ်ကနေ ကမ်းခြေအထိ တစ်နာရီသာသာ မောင်းရသေးတာမို့ လာကြိုသည့်ကားပေါ်ထိုင်မိတာနှင့် ငယ့်ကို ရင်ခွင်ထဲထည့်ကာ ပတ်ဝန်းကျင်ရှုခင်းများအား ငေးလာမိသည်။

နိုင်ငံခြားမှာ ကျောင်းသွားမတက်ခင် နောက်ဆုံးရောက်ခဲ့တာမို့ အနေအထားတို့က ​ပြောင်းလဲတိုးတက်လာသည်မှာ အမှန်ပင်။

အတွေးလွန်နေဆဲ ငြိမ့်ခနဲကားရပ်သွားတာမို့ ကြည့်လိုက်တော့ GuSu Hotel ရှေ့ရောက်နေပြီ။

ဘွတ်ကင်ယူထားပြီးတာကြောင့် အိတ်တွေကို ဝန်ထမ်းလေးတစ်ယောက်က သယ်သွားတာမို့ reception ကြိမ်ခုံများဆီ လျှောက်လာမိတော့ မူပိုင်အပြုံးနှင့် ကြိုနေသည်က GuSu Hotel ပိုင်ရှင် လျိုဟိုက်ခွမ်း....

"အေးဆေးနားလိုက်​ကြဦး....တစ်ခုခုလိုရင် reception ကိုပြောလိုက်...ငါ အားလုံး မှာထားတယ်..."

"ကျေးဇူး ဟိုက်ခွမ်းရာ...ကားစီးလိုက်...လေယာဥ်စီးလိုက်နဲ့ ငယ် နားမှ ဖြစ်မှာမို့ နောက်ရက်မှ အေးဆေးဆုံမယ်နော်...."

"ရပါတယ်ကွာ....ကြင်စဦးချိန်လေး ပျော်ပျော်ဖြတ်သန်းကြပါ... ရိပေါ်လေး အတော် ပင်ပန်းနေပုံပဲ...ဂရုစိုက်ဦး...ငါ ဘန်ဂလိုတွေ စစ်စရာရှိလို့ သွားတော့မယ်...."

က​လေးပေါက်စကို ကျောနှင့်ခြေထောက်အောက် လက်လျှိုကာ ပွေ့ချီလိုက်တော့ မျက်လုံးညိုလေးတွေ ဝိုင်းခနဲ...

အံ့အားတသင့် ငေးနေကြသော အကြည့်များကိုလည်း လျစ်လျူရှုကာ ကိုယ်နွေးနွေးလေးကို ထွေးပွေ့ရင်း လျှောက်လာမိတော့ အရှက်သည်းစွာ မျက်နှာဖူးဖူးလေးကို သူ့ရင်ဘတ်မှာ တိုးဖွက်ရင်း လည်ပင်းဆီမှ ကျစ်ကျစ်ပါအောင် ခိုတွဲလာသော လက်ကလေးတွေ....