Unicode
*****
"ဟော...နိုးလာပြီ မောနင်း တိမ်ရေ "
တိမ်မင်း ထမင်းစားခန်းထဲလှမ်းအဝင်မှာ ဒေါ်ခင်မင်းသွယ်ရဲ့ ဆီးကြိုနှုတ်ဆက်လိုက်တဲ့ အသံလွင်လွင်လေးကထွက်လာသည်။
အန်တီ့ဆီကကိုကိုကြီးနာမည်ကြားတာနဲ့ မှိုင်းအတွက်တော့ နေစရာမရှိ။မနေ့ညက ရုတ်တရက်ကြီး ဖြစ်ပျက်ပြောင်းလဲသွားတဲ့ဖြစ်ရပ်အဆုံး ကိုကိုကြီး ဘယ်လိုနေမလဲသိချင်ပေမယ့် မျက်နှာခြင်းမဆိုင်ရဲ။မှိုင်းအနေနဲ့ဆိုသိသိသာသာနေရခက်လှသည်။
"မောနင်း မေမေ ကျနော်နောက်ကျသွားတယ် "
ဒေါ်ခင်မင်းသွယ် က သိသာလောက်အောင်ပင်ရွှင်မြူးနေတဲ့သားတော်မောင်မျက်နှာကို ချစ်စနိုးကြည့်ပြီး
"မနေ့ညက ဘယ်အချိန်မှပြန်ရောက်သလဲ တိမ်၊မေမေဆေးသောက်ပြီး အိပ်ပျော်သွားလိုက်တာ တိမ်ပြန်လာတာတောင်မသိတော့ဘူးဘဲ "
အန်တီစကားကြောင့် ကြီးစိန်ဘေးနားမှာ ဟင်းခူးပေးတာကိုရပ်စောင့်နေတဲ့မှိုင်းက ထမင်းစားပွဲမှကိုကိုကြီးမျက်နှာကို ဖျတ်ခနဲလှမ်းကြည့်မိသည်။ကိုကိုကြီးမျက်နှာက နီပြေးပြေးပြုံးယောင်ယောင်လေး။မှိုင်းဖက်ကိုမသိမသာလှမ်းကြည့်ကာ အဖြေပေးသည်က
"ကိုးနာရီလောက်ပေါ့ မေမေ၊ကျနော်အရမ်းနောက်မကျပါဘူး။အိမ်ပြန်ရောက်တာစောပါတယ် "
"သြော် "
"ရော့ မှိုင်းလေး ဒီဟင်းရည်ပန်းကန်ကို ကိုကိုကြီးရှေ့သွားချပေးလိုက် "
ကြီးစိန်က ဟင်းခူးနေရင်းမှ မှိုင်းဖက်ကို လှည့်ပြီးခိုင်းသည်။ယောင်နနနဲ့ မှိုင်းက ဆတ်ခနဲကောက်အကိုင်ရုတ်တရက်ခံစားလိုက်ရသောအပူဒဏ်ကြောင့် လက်တွေကိုရုတ်ပြီးခပ်တိုးတိုးအော်မိသည်။
ထိုအချိန်ရယ်မောလိုက်သံတိုးတိုးကတိမ်မင်းဆီက ထွက်ကျလာသည်။ဒေါ်ခင်မင်းသွယ်က အသံမထွက်ဘဲကိုယ်ကိုတလှုပ်လှုပ်ဖြင့်ရယ်မောနေသော တိမ်မင်းကို ကြည့်ပြီးအံ့သြသလိုညည်းပြောလေးပြောလေသည်။
"တိမ်ကလည်းလေ မရယ်ပါနဲ့၊ကလေးက အပူထိလို့ယောင်တာကို ထိုင်ရယ်နေစရာလား ခက်ပါတယ်၊မှိုင်းကလည်းသတိထားမှပေါ့ကွယ်၊စာမေးပွဲနီးမှ လက်တွေ အပူလောင်ကုန်ပါဦးမယ်၊မစိန်..မစိန် "
YOU ARE READING
တိမ်ယံငွေခြည် မှိုင်းပြာရီ
RomanceZawgyi/Unicode ဘဝမွာ ေနလာရင္း မုန္းမိတဲ့သူကိုေရာ ခ်စ္သြားႏိုင္လား (တိမ္မင္း) လူတေယာက္ ကိုသာ ေမ်ွာ္ေငးေနျခင္းကို ႐ွင္သန္မႈအျဖစ္ မွတ္ယူႏိုင္ခဲ့ဘူးသလား မိႈင္းသိတဲ့ အခ်စ္က အဲဒါပဲ အခ်စ္က ေမ်ွာ္လင့္ျခင္းနဲ႔ အလားသ႑ာန္တူတယ္ (မိႈင္းျပာမွုန္ေဝ) ****** ဘဝမ...
