Unicode
*****
"အဲဒီလောက်တောင် သဘောကျနေတာလား"
ခင်မင်းသွယ်၏အမေးကို မိန်းကလေးကခေါင်းငြိမ့်ကာဖြေသည်။
ဖူးစာကုန်းလို့ နာမည်တွင်တဲ့ ကမ်းပါးထိပ်မှာရပ်နေခဲ့သည့် ခင်မင်းသွယ်ရဲ့ ကိုယ်ပေါ် ဝတ်ဆင်ထားသော ကြည်ပြာရောင်နုနုမှာ စကြ်ာပွင့်ဖြူဖြူလေးများပါသော ချည်လုံချည်ရဲ့ အောက်နားစလေးတွေကဧရာဝတီမြစ်ထဲကတိုက်နေတဲ့လေအလျင်မှာ တဖျတ်ဖျတ်လှုပ်ခတ်နေ၏။
အချိန်ကာလအတော်ကြာပြီးမှပြန်လည်တွေ့ခွင့်ရသောမိန်းကလေးကအတန်ငယ်အရွယ်ရောက်လာခဲ့ပြီဖြစ်လေသည်။
ပြေပြစ်တဲ့မျက်နှာသွယ်လေးမှာ မှဲ့နက်လေးကခပ်မှိန်မှိန်လေး။မျက်လုံးမရီတရီလေးတွေကရွှန်းစိုလင်းလက်ကာအရင်ကနဲ့မတူထူးထူးခြားခြားတောက်ပနေသည်။မည်းနက်ထင်ရှားသည့်ဆံနွယ်ထူတွေကိုအုပ်လုံးသိမ်းထုံးဖွဲ့ထားပြီးစကားပွင့်လေးတစ်ပွင့်ကိုဦးခေါင်းထက်မှာထိုးစိုက်ထားသည်က လူကြီးသဏ္ဍာန်ဖမ်းနေသည့်အရွယ်မရောက်တရောက်မိန်းမငယ်လေးမှန်းပိုမို သိသာကာနေလေသည်။ဖူးပွင့်ကာစနှင်းဆီသွေးရောင်ပါးမို့မို့လေးတွေကတော့ဖြင့် ညနေခင်းရဲ့ ကျနေအရောင်မှာ နီမြန်းနေ၏။
"ဒီလိုဆိုရင် ဘ က မိန်းကလေးကို ချစ်ရှာပါတယ်၊ချစ်တာကို ပေါ်အောင် မပြတတ်တာဘဲ ရှိမှာပါ "
ခင်မင်းသွယ်ရဲ့ စိတ်ဝင်တစားအားပေးစကားကိုတဖက်ကပြန်လည် တုံ့ပြန်မှုက ခပ်မဆိတ်သာပင်။
"မှိုင်းပြာမှုန်ဝေ လေပြေလာ ခါခါနှင်းဖွဲ့ ရဂုံမြိုင်ယံတွင်းမှာ....ပန်းလဲစုံစီ၊ရေသီတာ ထွေပြား....
ဆံကေသိမ်းနိုင်.... နွမ်းခွေကာယိုင်
တွေးမှိုင်...မှိုင်ယောင်သား
တိမ်းပါး... ယိမ်းနွဲ့နွဲ့ စိမ်းလဲ့လဲ့.. ကမ်းနှင့်ရေဟုန်
သဲငွေခုံသောင်နုမှာ... သေချင်လို့.. လွမ်းဖွယ်စုံ
ရွှေပြည်သိင်္ဂါ...ဒါဟာစံပျော်နှုန်းတမျှ သည်နှင့်လေး
ကြာနန်းပျော်... ကိုယ်တော်မြင်လှည့်စမ်းပါလယ့်လေး "
KAMU SEDANG MEMBACA
တိမ်ယံငွေခြည် မှိုင်းပြာရီ
RomansaZawgyi/Unicode ဘဝမွာ ေနလာရင္း မုန္းမိတဲ့သူကိုေရာ ခ်စ္သြားႏိုင္လား (တိမ္မင္း) လူတေယာက္ ကိုသာ ေမ်ွာ္ေငးေနျခင္းကို ႐ွင္သန္မႈအျဖစ္ မွတ္ယူႏိုင္ခဲ့ဘူးသလား မိႈင္းသိတဲ့ အခ်စ္က အဲဒါပဲ အခ်စ္က ေမ်ွာ္လင့္ျခင္းနဲ႔ အလားသ႑ာန္တူတယ္ (မိႈင္းျပာမွုန္ေဝ) ****** ဘဝမ...
