Unicode
******
တီ...တီ...တီ
တိမ်မင်း မေမေ့ကို ဆေးတိုက်နေတုန်းအခိုက်မှာပဲ အားသွင်းထားတဲ့ဖုန်းကရုတ်တရက်ထမြည်သည်။
"မေမေ ခဏနော် "
မေမေ့နှုတ်ခမ်းထောင့်ကိုတစ်ရှူးလေးဖြင့်ဖွဖွသုတ်ပေးရင်းခွင့်တောင်းလိုက်သည်။မေမေ့အခြေအနေကအရင်ကထက်စာရင်အများကြီးသက်သာလာပြီဆိုရပေမယ့်စိတ်အဆောက်အဦကပြိုလဲတော့လူကခံနိုင်ရည်နည်းလာသလိုဖြစ်လာသည်။သွေးတိုး၊နှလုံးအခံပါရှိနေလေရော့ကလေးတစ်ယောက်ကိုဂရုစိုက်သလိုမေမေ့ကိုသေချာစောင့်ရှောက်ရသည်။
"ဟဲလို ကိုမော် ပြောဗျာ "
"တိမ်မင်းရေ အားရောအားသလား ငါ့ညီ၊ဖုန်းပြောလို့ရလား "
"ဒီနေ့ ဆန်းဒေးလေဗျာ ကိုမော်ရ၊ကျောင်းမသွားရဘူး"
"သြော် တခြားမဟုတ်ပါဘူးကွာ၊မင်းအရင်တစ်ခါက ကိုယ့်ကိုပြောဘူးသလားလို့။"....."လမ်းက ခြံနဲ့တိုက်ရှိတယ်ဆိုတာလေ။လက်ရှိအိမ်ငှါးတင်ထားတာရှိသေးလား။ဒါမှမဟုတ် တခြား ခြံနဲ့တိုက်ထဲကလွတ်နေတာရှိသေးရင်လည်း လိပ်စာလေးတွေရယ်၊အလွတ်ရှိမရှိ အစ်ကို့ကိုပြောပေးပါဦး။"
"ဟုတ် ကိုမော် ပြော ဘာလဲ အိမ်ငှါးချင်လို့လား "
"အေးကွ သံရုံးကတစ်ယောက်ကအိမ်ရှာခိုင်းနေလို့ကွာ၊ငှါးမှာပေါ့ နှစ်ချုပ်နဲ့။တကယ်ကငှါးမယ့်လူနဲ့ကိုယ်နဲ့သိလို့မဟုတ်ဘူး။ကြားကရှာပေးတဲ့လူနဲ့ ကိုယ်ကရင်းနှီးတာ။အဲဒါလေကိုယ့်အသိက သိတာရှိရင်ကူညီပေးပါဦး လာပြောလို့။ပြီးတော့ကိုယ်ကလည်း မောင်ရင်တစ်ခါပြောဖူးတာ မှတ်မိနေတာကွာ။အသိတစ်ယောက်ရဲ့တိုက်တွေတော့ရှိတယ်ဆိုပြီး မေးကြည့်ပေးမယ်ပြောလိုက်မိတာ "
ကိုမော်က အားတုံ့အားနာပြောသည်။ဟုတ်တော့လည်းဟုတ်သည်။တိမ်မင်းတို့အနေအထားက လက်ညိူးထိုးမလွဲပိုင်ဆိုင်မှုတွေအမြောက်အများမို့ အိမ်ငှါးထားလိုက်လို့ပိုက်ဆံဝင်တာထက်၊တိုက်တစ်လုံးပိတ်ထားရလည်းဘာမှမဖြစ်တာ သိနေသည်။
ဒါကြောင့်မေးသာမေးရ ခပ်ဆဆရယ်သာ။ဒါပေမယ့် ခုလိုရင်းနှီးသူကစကားဆိုလာတော့လည်း နီးစပ်ရာရမ်းပြီးမေးတာတော့မေးကြည့်မိတာပင်။
YOU ARE READING
တိမ်ယံငွေခြည် မှိုင်းပြာရီ
RomanceZawgyi/Unicode ဘဝမွာ ေနလာရင္း မုန္းမိတဲ့သူကိုေရာ ခ်စ္သြားႏိုင္လား (တိမ္မင္း) လူတေယာက္ ကိုသာ ေမ်ွာ္ေငးေနျခင္းကို ႐ွင္သန္မႈအျဖစ္ မွတ္ယူႏိုင္ခဲ့ဘူးသလား မိႈင္းသိတဲ့ အခ်စ္က အဲဒါပဲ အခ်စ္က ေမ်ွာ္လင့္ျခင္းနဲ႔ အလားသ႑ာန္တူတယ္ (မိႈင္းျပာမွုန္ေဝ) ****** ဘဝမ...
