Unicode
*******
မှိုင်း !
"ဟေ့ကောင်လေး "
မှိန်ဖျော့ဖျော့ နီကျင်ကျင်မီးအလင်းရောင်အောက်က ခပ်ကုပ်ကုပ် ဆိုင်လေးထဲမှ သူ့နာမည်ခေါ်သံထွက်လာ၍ မှိုင်းငဲ့ကြည့်မိသည်။
ဇာတ်အဖွဲ့ ထဲမှ ကိုထပ်တရာနှင့်ကိုစိန်ပန်း ကဆိုင်လေးထဲ ထိုင်နေရာမှ ခြေဦတည့်ရာ စိတ်နှင့်လူမကပ် လျှောက်သွား နေသည့် မှိုင်းကို လှမ်းအော်ခေါ်လိုက်တာ ဖြစ်သည်။
မှိုင်း စိတ်မပါသလို တချက်ကြည့်ရင်း ဆက်သွားမလိုအလုပ် ကိုစိန်ပန်းက
"လာပါ မှိုင်းရ.... ဒီမှာလာဝိုင်းစမ်းပါ "
ဆိုင်ထဲက ယိုင်တိုင်တိုင်ထွက်လာကာ လက်ကိုဆွဲပီးအတင်းခေါ်ဝင်နေတဲ့ ကိုစိန်ပန်းကို ကြည့်ရင်း စိတ်ဆုံးဖြတ်ကာ မှိုင်း ဆိုင်လေးထဲကို လှမ်းဝင်လိုက်ပါသည်။ကိုစိန်ပန်းက ပျာပျာသလဲ ခုံကို ဆွဲထုတ်ပြီး
"လာ....ထိုင်...မှိုင်းလေး၊မင်းစိတ်ထဲနေထိုင်လို့မကောင်းဖြစ်နေတယ် မဟုတ်လား၊ဒါမျိူးက တော်ယုံနဲ့မရဘူးကွ၊ဒါလေးသောက်ပြီး စိတ်ကိုဖွင့်ချလိုက် "
ပြောပြောဆိုဆို မှိုင်းရှေ့က ဖန်ခွက်ထဲကို ပုလင်းထဲကအရည်တချိူ့လောင်းငှဲ့ပေးကာ မှိုင်းပုခုံးကို ဖက်ပြီး ကိုစိန်ပန်းက သောက်ဖို့တိုက်တွန်းလေသည်။
မှိုင်းရှေ့က ပယင်းရောင်အရည်တွေကို ကြည့်ရင်း မှိုင်း ပိုစိတ်ညစ်လာသည်။
"မှိုင်း... မ....မသောက်ချင်.."
"မင်း ယောကျ်ား မဟုတ်ဘူးလား မှိုင်းလေး၊တခါမှမသောက်ဖူးဘူးလို့တော့ ငါ့ကို မပြောနဲ့ "
ကိုစိန်ပန်းက တွန့်ဆုတ်ဆုတ်ဖြစ်နေတဲ့ မှိုင်းမျက်နှာကိုကြည့်ရင်း အံ့သြသလို အမူအယာဖြင့် ပြောသည်။
"ငါတို့က မင်းစိတ်သက်သာဖို့ နည်းလမ်းပေးတာပါ၊မင်းမတရားသဖြင့် ယိုးစွပ်ခံရလို့ မကျေနပ်ဘူး မဟုတ်လား၊တခုခုပြန်လုပ်ချင်ပေမယ့်လည်း တုံ့ပြန်လို့လည်းမရဘူး၊အဲဒီလို အခြေအနေမှာ ဒီအရည်နဲ့ မျှောချပြီး ဖွင့်ထုတ်လိုက်မှ မင်းသက်သာရာ ရတော့မပေါ့ မှိုင်းရ "
CZYTASZ
တိမ်ယံငွေခြည် မှိုင်းပြာရီ
RomansZawgyi/Unicode ဘဝမွာ ေနလာရင္း မုန္းမိတဲ့သူကိုေရာ ခ်စ္သြားႏိုင္လား (တိမ္မင္း) လူတေယာက္ ကိုသာ ေမ်ွာ္ေငးေနျခင္းကို ႐ွင္သန္မႈအျဖစ္ မွတ္ယူႏိုင္ခဲ့ဘူးသလား မိႈင္းသိတဲ့ အခ်စ္က အဲဒါပဲ အခ်စ္က ေမ်ွာ္လင့္ျခင္းနဲ႔ အလားသ႑ာန္တူတယ္ (မိႈင္းျပာမွုန္ေဝ) ****** ဘဝမ...
