Unicode
******
အခန်းထဲမှ စာအုပ်ကိုင်ပြီးထွက်လာသည့် မှိုင်းက
ဘေးချင်းကပ်လျက်တိမ်မင်းအခန်းဝမှာရပ်ပြီးတော့ ပိတ်ထားသည့် တံခါးကို လက်ဆစ်လေးတွေကွေးကာ ဖြည်းညှင်းစွာ ခေါက်လိုက်သည်။
ဒေါက်...ဒေါက်!
"ကို..ကိုကိုကြီး....မှိုင်းခင်ဗျ... "
မှိုင်းရပ်စောင့်နေပေမယ့် အခန်းတွင်းမှတုံ့ပြန်သံကားပြန်မလာပါ။
"ကိုကိုကြီး မှိုင်း စာမေးမလို့ ခင်ဗျာ "
မတိုးမကျယ် အသံပေးတော့လည်း ဘာသံမှမကြားရ။အခန်းထဲ မှာ မရှိဘူးဆို ကိုကိုကြီးဘယ်သွားတာပါလိမ့်။ခြံထဲပဲဆင်းသွားတာများလား။
ဝမ်းထဲက မအီမသာခံစားမှုကြောင့် ဗိုက်လေးကို ဖိကာမှိုင်းတစ်ယောက်ခေတ္တ ရပ်နေမိသေးသည်။
ဒီအတိုင်းစောင့်နေရမလား သွားရှာပြီးသိချင်တာမေးရမလားဝေခွဲမရဖြစ်ရ၏။တိမ်မင်းကတော့ သိချင်တာရှိရင်သူအားနေချိန်လာမေးလို့ရသည်လို့ပြောထားလက်စကလည်းရှိပြန်တာမို့သွားရှာပြီးမေးဖို့ပဲစိတ်ကူးလိုက်ပါသည်။
အတွေးတို့နှင့်အတူ ဆုံးဖြတ်ပြီး လှေကားကနေ သွက်သွက်ဆင်းလာတဲ့ မှိုင်းက ဘုရားပန်းအိုးတွေ လဲပြီး အပေါ်ထပ်ကို လာပို့သည့် ကြီးစိန်နဲ့ လှေကားမှာ ဆုံသည်။
"ကြီးစိန် ကိုကိုကြီး အောက်မှာရှိလားဟင် "
မှိုင်းအမေးကို ကြီးစိန်က တိတ်တိတ်နေ ဆိုတဲ့ အမူအယာဖြင့် မျက်ရိပ်ပြသည်။တခြားလူမကြားစေချင်သလို တိုးညှင်းတဲ့လေသံဖြင့်ဆိုလေ၏။
"အောက်ထပ်မှာ ရှိတယ် ဂိဂိ ဆိုလား ဂီးဂီး ဆိုလား အဲဒီကောင်မလေးနဲ့ ဖုန်းပြောနေတယ်၊ဘာတွေသဘောတွေ့နေလဲ မသိဘူး ရွှေကိုယ်တော်မျက်နှာကကြည်လင်သာယာ ပြုံးတော်မူနေလိုက်တာများ....."
ခါတိုင်းလို ကြီးစိန်ရဲ့ပိုပိုသာသာစကားတွေကို
မှိုင်း ခိုးမရယ်နိုင်ပေ။ဂီးဂီ ဆိုတဲ့ အစ်မကြီးက ဘာပါလိမ့်။ကိုကိုကြီးအပေါ်ထားတဲ့သဘောထားကို ဟိုနေ့ညက မှိုင်းမြင်မြင်ချင်း အကဲခတ်မိပေမယ့် အမူအယာပိရိသေသပ်တဲ့ ကိုကိုကြီးဖက် က သဘောထားကိုတော့ မှိုင်းဘယ်လိုမှမမှန်းနိုင်ပါချေ။
STAI LEGGENDO
တိမ်ယံငွေခြည် မှိုင်းပြာရီ
Storie d'amoreZawgyi/Unicode ဘဝမွာ ေနလာရင္း မုန္းမိတဲ့သူကိုေရာ ခ်စ္သြားႏိုင္လား (တိမ္မင္း) လူတေယာက္ ကိုသာ ေမ်ွာ္ေငးေနျခင္းကို ႐ွင္သန္မႈအျဖစ္ မွတ္ယူႏိုင္ခဲ့ဘူးသလား မိႈင္းသိတဲ့ အခ်စ္က အဲဒါပဲ အခ်စ္က ေမ်ွာ္လင့္ျခင္းနဲ႔ အလားသ႑ာန္တူတယ္ (မိႈင္းျပာမွုန္ေဝ) ****** ဘဝမ...
