Love Me Again

Chapter 23

Chapter 23

"Brewed coffee. Just the way you like it."

Mula sa laptop, ibinaling ni Carson ang tingin sa kape na iniabot sa kanya ni Theo. Agad na naamoy nya ang aroma ng noon na nanggagaling sa cup ng isang mamahaling coffee shop.

Naupo ang lalaki sa tabi nya.

"Thank you!" She smiled at him before taking a sip. "Ah, this is perfect."

Gaya kahapon, maaga ulit sila sa venue para sa last leg ng bazaar. Currently, they were sitting at the bench in front of the entrance of the mall. It was 9AM.

"You're welcome." Sumimsim din ito ng kape mula sa sariling cup. "How's the list?"

"It looks good. Sana lang makabenta tayo uli ng madami ngayon gaya kahapon. But if not, I'll still be thankful. Yesterday's sale hiked up. Iyon na ang pinakamalaking sales na nakuha ng Eco Warrior sa bazaar." Sigurado kung nandito lang si Emma, she'll go crazy.

"Well, we can do something about that. Your products are not hard to sell."

Nilingon nya si Theo. "Magbebenta tayo, yes. But no more selfies."

He shrugged. "Whatever you say." He took another sip before standing up. "Come on, smart ass. Let's get moving. It's almost time."

She made sure she saved the file before closing her laptop before standing up. Sabay na silang pumasok ni Theo sa loob ng mall at umakyat sa second floor kung saan sila nakapwesto.

Since it's the last day of the bazaar, mas maraming tao ang pumunta sa event. In fairness naman kay Theo, sumunod naman ito sa usapan. They were able to sell everything. May ilan pa rin na nagpapacute at humihingi ng selfie sa binata pero magalang itong tumanggi. And that made Carson really happy.

Hindi naman sa madamot sya. Para sa kanya kasi, it's like cheating. Ayaw naman nyang kumita dahil lang ginamit nya ang kagwapuhan ng kasama nya.

"Any plans for tonight?" Theo asked.

It was already 10:30pm at inililigpit na nila ang mga gamit. The bazaar was a blast.

"Yeah. I'll visit Emma and will spend the night at her place. Pero later na, after the dinner."

"Were you able to contact her?" he asked.

Carson shook her head. "No. Hindi ko pa sinasabi yung plan ko magsleepover para hindi sya makatanggi. Magugulat na lang sya kapag kumatok ako sa pintuan nya mamaya."

Sigurado kasi si Carson, gagawa ng dahilan ang kaibigan para lang hindi nya ito mapuntahan. She understands that Emma needs sometime alone. Pero ayaw naman nya itong iwanan mag-isa. Noong sya ang nangangailangan ng kasama, hindi sya nito iniwan kahit ilang beses nya itong itinaboy palayo. And Carson wanted her to feel that.

"I'll drive you to her place then. Let's have dinner some other time."

Wala kasing dalang sasakyan ang dalaga dahil sinundo sya kanina ni Theo. Good idea na nga din naman dahil kagabi, kailangan pa nito tawagan ang driver para idrive ang sasakyan nya pauwi sa bahay nila.

Nilingon nya ang binata.

"Naku, hindi. Kakain tayo. Ayaw mo naman magpabayad sa araw mo so let me treat you a nice dinner." Inilagay nya ang huling gamit sa box at saka isinara iyon. "So, what do you want to eat?"

Natawa si Theo at kinuha ang storage mula sa kanya. "Save it. We'll have dinner next time. You also need to rest."

Marahan silang naglakad palabas sa mall. Dala ni Theo ang storage box habang bitbit naman ni Carson ang bag.