တအုံနွေးနွေးဖြစ်နေသော ရင်ခုန်သံများဖြင့် မန္တလေးကို ရောက်မှန်းမသိရောက်လာခဲ့လေသည်။ ညနေစောင်းဖြစ်တာမို့ ကောင်းကင်မှ နေလုံးကြီးမှာ ဝင်လုဆဲဆဲပင်။ကျောင်းဆင်း၊ ရုံးဆင်းချိန်မို့ လူသွားလူလာ ထူထပ်လေသည်။ဆိုင်ကယ်လေး အဆောင်လမ်းကြားရောက်ချိန် နေလုံးကြီး ကွယ်ပျောက်ကာ လမ်းမီးတိုင်မီးရောင်သာ ကျန်ခဲ့တော့သည်။လမ်းကြားထဲမှ ညလုံးပေါက်ထမင်းကြော်ဆိုင်မှာ လူအများဖြင့် စည်ကားလျက်ရှိလေသည်။ယောကျာ်းလေး နှစ်ယောက်အတူ ဆိုင်ကယ်ဖြင့်ရောက်လာတာကို အများအမြင်မှာ မဆန်းသော်လည်း။ ထိုသူနှစ်ယောက်၏ ဆက်ဆံရေးကို သိမည်ဆိုပါက ဘယ်လိုတွေးမည်နည်း။
ဆိုင်ကယ်ပေါ်မှ အလျင်အမြန် ဆင်းသွားသော ညီလင်းပိုင်ပင်။ ရှိုင်းခန့်မောင်ကို လှည့်မကြည့်သွားခဲ့သလို၊ နှုတ်ပင် မဆက်သွားခဲ့ပေ။ပြေးတက်သွားသော ပိုင်၏ခြေလှမ်းများကြား ရှိုင်း၏ မျှော်လင့်ချက်များ ပျောက်ဆုံးလာရသည်။ လေးလေးပင်ပင်ဖြင့် ဆိုင်ကယ်ကိုမောင်းထွက်လာခဲ့သည်။
သူတို့သည် သူငယ်ချင်းမဟုတ်ပါ။ရည်းစားလည်းမကပါ။ ထိုကဲ့သို့ပင် ညီအကိုလောက်လည်း မဖြူစင်ကြတာ သူတို့ကိုယ်တိုင် အသိဆုံးဖြစ်သည်။ ညီလင်းပိုင်သည် လက်ခံရမည့် အနာဂတ်နှင့်၊ အတိတ်က အကိုကြီး၏ ပုံရိပ်မျိုးကို မြင်ယောင်လာရသည်။ထိုသို့မြင်ကွင်းကို တွေးမိရင်ရွံရှာသည်။ရှိုင်း၏အချစ်များကိုလည်း အကြွင်းမဲ့ ယုံကြည်လိုက်ချင်သည်။
ဗျာများနေသော စိတ်တွေမှာ အခန်းထဲ
ရောက်သည်အထိ မပြေသေးပေ။ ကုတင်ပေါ်ကို နွမ်းလျနေသော စိတ်တစ်ခုလုံး ပုံကျစေလိုက်သည်။
ဟူး....သူဘာဆက်လုပ်ရမလဲရှိုင်းသည် အချိန်အတော်ကြာထိ အိပ်မရခဲ့ပေ။ညီလင်းပိုင် ကြောက်နေတာကို သူခံစားနေရသည်။ညီလင်းပိုင်က သူ့ကြောင့်များ ပူလောင်နေရမလား တွေးပူမိသည်။ဖုန်းထဲမှပင် စာပို့လိုက်သည်။
{ကိုယ်...တောင်းပန်ပါတယ် ပိုင်}
{ဘာလို့ တောင်းပန်တာလဲ}
BINABASA MO ANG
သိမ်းပိုက်....🍃
Romanceညီလင်းပိုင် "ကျွန်တော့်ကိုတကယ်ချစ်မယ်လို့ ယုံကြည်ထားသူတွေဟာ ..ကျွန်တော့်အပေါ်အရမ်းမုန်းနေတယ်ဆိုတာမျိုး.. နောက်ကျမှသိခဲ့ရပေမယ့်အဲ့ အထဲမှာ ခင်ဗျားတော့ မပါခဲ့ဘူးမလား..." ရှိုင်းခန့်မောင် "ကျွန်တော့်ဘက်က ဂရုစိုက်မှု့တွေမှာ မျှော်လင့်ချက် လုံးဝမပါခဲ့...