.
MyMilk ဆိုင်လေး၏ကောင်တာမှာ သူလိုချင်သည့် Cheese cake ကိုမှာကာ လူကျနေသည့်ကောင်တာမှာရပ်မနေချင်တာမို့ ဟိုဟိုဒီဒီဝေ့ဝဲကြည့်မိသည့်အချိန်မှာပဲ ဆိုင်အတွင်းပိုင်းစားပွဲတစ်လုံးမှာထိုင်နေသည့် ကောင်လေးကိုသူတွေ့လိုက်တာဖြစ်ပါသည်။
ဖုန်းထဲမှာတစုံတရာကိုငုံ့ကြည့်စစ်ဆေးနေပုံရသည့်ညီမင်းညိုကတော့သူ့ကိုမမြင်ပါ။ခဏလောက်ချီတုံချတုံတွေဝေနေပြီးမှ သူထိုစားပွဲဆီလျောက်လာခဲ့သည်။
သူနဲ့ညီမင်းမတွေ့ဖြစ်တာလည်းနည်းနည်းကြာနေပြီလေ။
ပြီးတော့ . . .
'' ညီ . . ''
ခြေစုံရပ်လိုက်သည့်ဖိနပ်တွေကနေတဆင့်မော့ကြည့်လာသည့်မျက်ဝန်းတွေက သူထင်ထားသလောက်တော့ ပြိုလဲမနေခဲ့ပါ။နည်းနည်းလေးတော့နွမ်းနယ်နေသလိုထင်ရလေသည်။
'' သြော် . . မုန့်လာဝယ်တာလား အစ်ကို . . ''
'' ဟုတ်တယ် . . မေမေကကိတ်မှာလိုက်လို့ . . ''
'' စောင့်ရဦးမယ်ထင်တယ် . . ထိုင်လေ . . ''
ခုံတစ်လုံးကိုဆွဲထုတ်ကာ ထိုင်လိုက်ပြီးလျင် ဘယ်ကစရမလဲလို့သူကစကားလုံးတွေကိုရွေးချယ်နေခဲ့ရသေးသည်။
'' မြတ်ခေါင်ဘုန်းကော . . အဆင်ပြေရဲ့လား ''
ညီမင်းညိုကဖုန်းလေးကိုကျောပိုးအိတ်ထဲထိုးထည့်ရင်းက သူ့ကိုပေါ့ပေါ့ပါးပါးပြုံးပြခဲ့သည်။
'' ခုလောလောဆယ်အထိတော့အဆင်ပြေနေသေးတယ်. . အခုမှဆေးရုံကဆင်းလာတာဆိုတော့လေ . . အလုပ်တော့ပေးမသွားဘူး အိမ်မှာပဲနားခိုင်းထားတယ် ''
'' နောက်ထပ်ဆေးရုံတက်ဖို့ကကော ''
'' အတိအကျမသိသေးဘူး . . တက်တာတော့တက်ရမှာပါပဲ . . ကျောက်ကပ်ဆေးတာကအမြဲလုပ်နေရမှာကိုး . . ''
သိပ်မျက်နှာကျောတည့်လှတဲ့လူတွေမဟုတ်ပေမယ့် ဒါလောက်ရောဂါကြီးတစ်ခုကိုခံစားနေရတယ်ဆိုတော့လည်း လူသားချင်းစာနာစိတ်နဲ့ မြတ်ခေါင်ဘုန်းအတွက် သူတကယ်စိတ်မကောင်းဖြစ်ရပါသည်။
'' ဒီလိုပဲ အမြဲဆေးရုံတက်နေရရင်တော့မလွယ်ဘူးထင်တယ် . . ညီတို့ဘယ်လိုအစီအစဉ်ရှိသလဲဟင် . . ''
