عشقي ٣ (My Love 3)

الحلقة الثالثة

منزل شيفاي

غرفة اومكيرا

دخل الغرفة بسرعة ليستمع الي صراخها ...

ميرا "بألم" : اااااااااااه ...

اقترب منها وعلامات القلق بادية علي وجهه ...

اومشيف : ميرا ، حبيبتي ، اهدئ ، حالا هتكوني في المستشفي ...

نظرت اليه والي قلقه وخوفه عليها ، لتمسك بيده ...

ميرا "بألم" : ما تقلقش يا اومكارا ، دا خبط بس مش حاجة كبيرة ...

ليمسك بيدها بيده الاخري ...

اومشيف "بقلق" : لا يا قلبي ، انا حاسب ميعادك وعارف انه قرب ، بس ما اتخيلتش انك هتعمليها بجد يوم فرح ارثر ...

ميرا : مش انت اللي قعدت تقولي هتعملي عروسة ازاي ببطنك دي ، اهو لا هعمل عروسة ولا فرخة حتي ...

ليضحك الجميع ...

اومشيف : فرخة ، همك علي بطنك حتي وانتي بتولدي ...

ميرا "باسمتا" : شوفت ضحكت ازاي ، ااااااااه ...

اومشيف "بقلق" : ايه مالك ...

ميرا : بنتك مفترية اوي يا اومكارا ، شكلها هتطلعلك واديها اهي بتقوم بالواجب من وهي جوا ...

انيكا "بسعادة" : عارفين ، انا فرحت لما قولتولي انها بنت ...

نظر اليها ...

اومشيف : ليه بقي ...

انيكا : اصل انا وابوك بنحب البنات اوي ، عارف من اول مرة حملت فيها وشيفاي كل مرة كان يتمني المولود بنت ، بس ربنا رزقنا بتلات ولاد ...

ميرا : عشان كدا حملتي كتير يا عمتو ...

انيكا "ضاحكتا" : قصة الحمل دي كانت اتفاق بيني وبين شيفاي ...

روفيا : اتفاق ازاي ...

انيكا : هقولك ، اول مرة حملت ولما ولدت اومكارا ، بعدها بسنة حملت في روهان ووقتها طلبت من شيفاي اننا ما نخلفش بعد روهان ، بس هو رفض ...

ميشتي : ليه ...

انيكا : عشان هو كان عايز يعمل عيلة ، شيفاي باباه ومامته ماتوا وهو صغير وعاش طول عمره وحيد ، عشان كدا لما قرر يعمل عيلة كان عايز يكون عنده ولاد كتيريكونوا عزوته وسنده في الحياة ...

انيا : والاتفاق كان ايه يا ماما ...

انيكا : لما رفض اننا ما نخلفش بعد روهان ، انا قولتله اي ولد هيتولد انا اللي هسميه واول ما البنت تتولد هنوقف خلفة ، هو وافق ، وفعلا بعد ولادة انيا وقفنا الخلفة ...

غوري : وارثر جيه غلطة ، بس غلطة مقصودة ...

ميرا : بصراحة ، ارثر دا فاكهة العيلة ومن غيره كنت هحس ان العيلة ناقصة ...