عشقي ٣ (My Love 3)

الحلقة الثالثة والثلاثون

قصر اوبروي

غرفة المكتب

بعد ان حمل روهان زوجته وصعد بها الي غرفته حتي يطمئن عليها ، كان الوضع في غرفة المكتب مليئ بالتوتر ، لينظر شيفاي الي الجميع لحظات قبل ان ياخذ نفسا عميقا ويقرر ان يطلب من الجميع الرحيل حتي يستطيع ان يرتب افكاره خاصتا بعد تلك المعلومة التي كان يجهلها واصبحت أمر واقع لابد وان يتعامل معاها ...

شيفاي : انيكا لو سمحتي خدي شايرا ووصليها لملحق الضيوف عند بنتها ...

شايرا "باستغراب" : هي مايرا هنا في القصر ...

اريان : ايوة ، انا طلبت منها تقعد معانا في القصر ، طبعا هي فاهمة ان قعدتها دي من ضمن مطلبات شغلها كمساعدة شخصية ليا ، لكن الحقيقة انا جبتها هنا كحماية ليها ...

لتومئ براسها اليه متفهمتا ما قاله ...

شيفاي : وطبعا بعد التهديد اللي وصلك اكيد كانوا بيراقبوكي وعرفوا انك جيتلنا هنا ، وعشان كدا انتي كمان هتفضلي مع مايرا هنا في القصر لحد ما كل التهديدات دي تنتهي ...

شايرا : تمام ، عن اذن حضرتك ...

وما كادت ان تتحرك حتي اوقفها صوتها ...

انيكا : هي ليه مايرا مش عايشة معاكي يا شايرا وانتي امها وعايشة لوحدها ...

نظرت اليها وعلامات التوتر بادية عليها ...

شايرا "بتوتر" : أ ، أصل ، يعني ، هو ...

اريان "بنظرات حادة" : ايه ، مالك ، متلجلجة كدا ليه ...

شايرا : اصل الصراحة يعني ، انا ومايرا ما بنكلمش بعض بقالها اكتر من خمس سنين ...

لينظر كلا من شيفاي وانيكا واريان الي بعضهم البعض باستغراب ثم اليها ...

شيفاي : يعني ما بتكلموش بعض ، متخاصمين يعني ...

شايرا : حاجة زي كدا ...

اريان : هو ايه اللي حاجة زي كدا ، مايرا سابتك وعاشت لوحدها ليه ، وليه مفهمة الكل ان هي يتيمة ومالهاش حد ...

شايرا "بانهيار" : انا السبب ، انا اللي جنيت عليها لما قررت اني احمل من راجل عمره ما فكر فيا بس انا حبي عماني وجنني وخلاني خالفت كل المبادئ والاخلاقيات عشان احقق حلمي وبعد كل دا بدل ما اكتب بنتي باسم ابوها الحقيقي روحت وكتبتها باسم راجل غريب مالوش علاقة بيها ، وعيشتها مع واحد كانت فاكراه اخوها لكن للاسف بعد ما كبرت اتحرش بيها وحاول انه ...

لينتفض واقفا ...

اريان : يا ابن ال.... ، دا انا هنسفه ...

شيفاي : اقعد يا اريان خلينا نفهم الحيوان دا عملها ايه بالضبط ...

ليجلس محاولا ان يبدو هادئا ولكن هيهات ، فقد باتت كافة محاولاته بالفشل ...

شيفاي : وانتي يا شايرا اتفضلي قولي الحيوان اللي اسمه ارجيت دا عمل ايه ...