عشقي ٣ (My Love 3)

الحلقة السادسة عشر

صباح اليوم التالي

شركة آريان

ما ان دلفت الي الشركة حتي تفاجئت بالمشهد الذي امامها ، كان الجميع علي قدم وساق ، يتحركون كما لو كانوا داخل خلية نحل ، لتعلو معالم الاستغراب وجهها ...

مايرا : هو فيه ايه ، مالهم كدا بيتحركوا ومفيش بني أدم علي مكتبه ، اكيد فيه حاجة مش طبيعية حصلت خلت المعجزة اللي قصادي دي تحصل ، يلا انا اروح مكتبي احسن وابقي افهم من البت فيديا سبب اللي بيحصل دا ...

لتتجه الي مكتبها ...

مكتب فيديا

كانت تتجه الي مكتبها عندما لمحت فيديا تجلس علي مكتبها وعلامات التوتر والقلق واضحة علي وجهها ...

مايرا "متعجبتا" : دي مالها دي كمان ، يلا لما اشوف مالها ...

لتدلف الي مكتب فيديا ...

مايرا : صباح الخير ...

فيديا "بقلق" : صباح الخير ياختى ...

مايرا : يا ختي ، مالك يا بت مش على بعضك ليه ؟ ...

فيديا : وحياة ابوكي يا مايرا ، انا مش فايقة لاسئلتك ، روحي شوفي كنت رايحة فين وسيبيني في حالي ...

مايرا : لا وربنا ما هتحرك من هنا الا لما اعرف مالك ، ايه المز اداكي بومبة ...

فيديا "وهي تقزفها باحدي الاقلام" : بومبة ايه يا باردة ؟ وبعدين ما تعملهمش عليا ، قال يعنى مش عارفة ايه اللى بيحصل فى الشركة ؟ ...

مايرا "بتساؤل" : ايوة بقي ايه اللى بيحصل فى الشركة ؟ ، من امتى الهمة والنشاط اللى دبت فى الشركة دي ؟ ...

فيديا "ضاربتا كفا بكف" : يا سبحان الله ، انتي يا بنتي ناوية تجننيني ، دا انتى المفروض تكوني اول واحدة تعرفى الخبر ...

مايرا : خبر ايه يا فيديا ، ما تنجزي وتقولي علي طول بدل ما انتي بتنقطيني كدا ...

فيديا : مفيش فايدة فيكي ، مش عارفة امتي هتقصي لسانك دا ...

مايرا : لما اموت يا خفة ، ويلا قولي بدل ما اقوم اجيبك من شعرك ...

فيديا : صاحب الشركة ...

مايرا "بإستهزاء" : ماله المخفي ؟ ، مات ...

فيديا : لا يا خفة ، رجع ...

مايرا : والله ، طب يا ستي ، حمد الله على سلامته ، المفروض انا اعمل ايه يعني؟ ، اقوم ارقص والا ايه ...

فيديا : ترقصي ايه يا هبلة انتي ، بس ازاي انتي ما تعرفيش انه رجع ...

مايرا : وايه اللي هيخليني اعرف قبلكم يعني ...

فيديا : عشان انتي من النهاردة بقيتي السكرتيرة الشخصية بتاعته ...

لتنتفض واقفتا من مكانها ...