عشقي ٣ (My Love 3)

الحلقة الحادية والاربعون

احدي شاليهات غوا

غرفة النوم

كان صوت جرس الشاليه يصدح بقوة لينتفض علي اثره كلا من انس وعلي وهم ينظرون الي بعضهم البعض مستغربين من ذلك الذي قد أتي لهم الان ...

علي "بخوف" : ايه دا ، انت مستني حد ...

انس : لا طبعا ، ماحدش يعرف اننا هنا غيرك ...

علي : وانا ما قولتش حاجة ، يبقي مين اللي بيخبط دا ...

انس : انا ايش عرفني ، ممكن يكون اي حد غلطان في العنوان والا واحد من اللي بيشتغلوا في القرية هنا ، بقولك ايه اجمد كدا وبطل خوف وانزل بسرعة شوف مين اللي بيرزع علي الباب قبل ما يتكسر ...

علي : حاضر ...

ليتركه ويتجه مسرعا الي باب الشالية ...

عند الباب

ما ان وصل الي الباب وفتحه حتي تفاجئ بهذا الشاب الفارع الطول ذو العضلات الضخمة والقوية ، ليبتلع ريقه ، فهيئة ذلك الشاب تجعل كل ما يقف امامه يهابه ويرهبه ولكن الاصعب والذي لم يتوقعه كلا من انس وعلي ان يصل اليهم في تلك اللحظة وهو في قمة غضبه وليس الغضب فقط بل في اقصي درجات غيرته ، كانت نظرات عيناه كفيلة بحرق كل ما تقع عليه ، صوت انفاسه يكاد يصم كل من يسمعه ، كان كالمجنون ...

ليدلف الي الداخل بخطوات سريعة بينما علي يتراجع الي الوراء ...

الشاب "بحدة " : هي فين ...

علي : هي مين ، وانت اصلا مين ...

ليخطو الشاب خطوة واحدة بسرعة لم ينتبه لها علي ، ليمسك به من ملابسه ...

الشاب "بغضب هادر" : بقولك سيلا فين ...

علي "برعب وعلثمة" : سي ، سيلا ، ما ، مافيش ، ح ، حد ، ههنا ، اسمه ، سييلا ، انت بقي مين ...

وبحركة سريعة كان يمسك بسلاحه الناري الذي كانت فوهته عند راس علي ...

علي "بخوف" : أ ، انت هتعمل ايه يا مجنون ...

الشاب "بهدوء" : مفيش ، انا بس هعمل من راسك الحلوة دي مصفة ، ايه رائيك ...

علي "بخوف ودموع" : ليه بس ، انا عملت ايه ، انا ماليش دعوة بحاجة ، قولي انت عايز مني ايه وانا هنفذهولك ...

الشاب "بحدة" : عايزة تجاوب علي سؤالي ، فين سيلا والكلب اللي اسمه انس ، انطق ، بس قبل ما تتكلم خليك فاكر انك لو كدبت ، كل الرصاص اللي في المسدس دا هيطلع يسلم علي دماغك ، سمعتني ...

علي "برعب" : ففف..فففوق ...

الشاب "بصريخ" : فوق فين ...

علي : او..اوضة النوم ...

الشاب "بصدمة ممزوجة بغيرة" : اوضة النوم ...

ليدير راسه حيث درجات السلم المؤدي الي الدور العلوي الذي يضم غرف النوم ، ليدفع علي بعيدا ويصعد بسرعة وعنف الي حيث غرفة النوم ...