عشقي ٣ (My Love 3)

الحلقة الثانية

منزل شيفاي

ما ان فتح الباب ووجده امامه ...

ارثر : طبعا كل واحد فيكم واخد مراته في حضنه وهايصين ...

شيفاي "ضاحكا" : ايه اللي جابك ، وليه سيبت مراتك لوحدها ...

ارثر : انا مش سايبها لوحدها ، انا سايبها مع الثلاجة باللي فيها ، ومعاها الشاي والقهوة والنسكافية والبيبسي والشوكولاتة والشيبسي ، بص انا سايبها مع السوبر ماركت بتاعتها ، تعمل ساندوتشات براحتها ، الا قولي يا حجوج ، انت عمرك سمعت عن ساندوتش اسمه كوكتيل ...

شيفاي "مستغربا" : دا ايه دا ...

ارثر : دا عقبال املتك جبنة رومي علي جبنة فلمنك علي لانشون علي زيتون ...

اوم : ومفيش جبنة بيضاء ...

لينظرا اليه ...

ارثر : اهلا ، انت هنا ، هايصين انتوا صح ...

شيفاي "ضاربا اياه علي راسه" : اتنيل ادخل ...

ليدخل وخلفه كل من شيفاي واومكارا ليتجها الي غرفة الصالون لينضما الي انيكا وغوري ...

وما ان جلسوا ...

انيكا : ارثر انت ...

ارثر "مقاطعا" : وحياة جوزك يا شيخة ما تسأليني نفس السؤال ، الحجوج سأل وانا جاوبته ...

شيفاي : ابنك زعلان عشان مراته اتعشت ...

غوري : تلاقيها كانت جعانة ، ماهي طول اليوم ما اكلتش ...

ارثر : وحياة ولادك يا غوغو اسكتي انتي مش عارفة حاجة ياختي ...

اوم "ضاحكا" : طب ما تعرفنا ...

ارثر : عارفك بتموت في الحكاوي انت يا ميرو ...

شيفاي : احترم نفسك وكلم عمك باحترام ، ويلا قول سيبت مراتك لوحدها وشرفتنا هنا ليه ...

ارثر : من عمايلها ...

غوري : انت هتنقطنا ، ما تتكلم ...

ارثر : حاضر بس ما تتظربنيش ، تتخيلوا الهانم قعدت ساعتين تأكل ...

لينظر اليه الجميع بصدمة ...

ارثر : مصدومين صح ، استنوا لما تسمعوا الباقي ...

شيفاي : واد انت اتكلم علي طول ، والا انت عارفني ...

ارثر : حاضر هتكلم ، المهم ، يا دوب خلصت لقيتها داخلة عليا وفي ايديها كوباية شاي ، قولت مش مهم دي كوباية هتخلص بسرعة يعني مش حكاية ، يا دوب خلصت الشاي دخلتلي في اسطوانة اغسل وشي لا هغسل سناني لا هاخد شاور ، واتحمل يا ارثر ، مش انت اللي جيبته لنفسك لما اخترتها دونا عن بنات حواء كلهم ، استحمل ...

كان الجميع يكتم ضحكته بالقوة وهم يستمعون لأرثر الذي كان يقلد لهم كارما ، بينما ارثر كان يهز ساقه من التوتر ...