عشقي ٣ (My Love 3)

الحلقة السادسة والخمسون

مشفي اوبروي

غرفة انيا

كان يجلس في انتظار احضار ناكول تصريح خروج انيا من المشفي حتي يعود بها الي القرية انتظارا لانتهاء الاجراءات حتي يعودوا جميعا الي دلهي ومعهم لارا لكي يتم علاجها في المشفي الرئيسي هناك ...

شيفاي "شاردا" : مش عارف لحد امتي هقدر اتحمل كل اللي بيحصل حواليا دا ، لامتي هقدر اقف قصاد كل اللي عايز يأذئ عيلتي ، صح بيقولوا عليا جبل ، بس الجبل دا ممكن في يوم يتهد ، من يوم ما ابويا وامي ماتوا قصاد عيني وانا عيشت حياتي وحيد ، كبرت وكبرت اسمي واسم ابويا وبقي كل يعملي الف حساب لكن في وسط كل دا نسيت ان مع كل خطوة بطلعها لقدام عدد اعدائي بيزيد ، كنت بحارب ومش بيهمني حاجة لاني وقتها كنت لوحدي لكن من يوم دخول انيكا لحياتي وانا بقيت اخاف وخوفي كان بيزيد اكتر واكتر وانا شايف العيلة اللي قررت اعملها مع انيكا بتكبر اكتر واكتر ، صحيح كنت بداري خوفي دا عن الكل بس خلاص حاسس اني تعبت ، عرفوا ازاي يضربوني باللي عملوه فيكي يا لارا ...

كانت وعلي الرغم من اهتمامها بابنتها الا ان عيناها كانت تتابعه ، لتقترب منه بهدوئها المعتاد ...

انيكا : حاسة بيك ...

لينتبه لها ، ليمسك بيدها الموضوعه علي كتفه ليقبلها ...

شيفاي : طول عمرك بتحسي بيا وبتعرفي اللي جوايا من غير ما اتكلم ...

انيكا : طبعا لازم اكون عرفاك وحفظاك كمان ، هي عشرة يوم والا اتنين ، احنا عشرة عمر بحاله يا شيفاي ...

شيفاي : يااااااااااه يا انيكا لو تعرفي اللي نفسي اعمله دلوقت بس للاسف المكان مش مساعدني ...

لتبتسم وهي تضم وجهه بيديها مقبلتا جبهته ...

انيكا : بس نروح ونطمن علي الولاد هاخدك في حضني وابعدك عن العالم ...

شيفاي "بمكر" : متاكدة ...

انيكا : طبعا ، وهو انا عمري قولتلك حاجة ورجعت فيها ...

شيفاي : انتي ، ابداااااااااا ...

انيكا : اهو شوفت ، عشان تعرف بس ...

ليضمها وابتسامة راحة تملئ وجهه ...

شيفاي : ربنا يخليكي ليا وما يحرمنيش منك ابدا ...

انيكا : ويخليك ليا وللعائلة اللي من غيرك مش هتبقي عائلة ...

شيفاي : انتي بتقولي فيها ، انا كل يوم خوفي بيزيد علي العائلة واللي ممكن يحصلها من بعدي ...

انيكا : ليه ، انت صحيح وتد العائلة لكن ولادك واحفادك ماشاء الله كلهم طالعينلك ، وطبعهم زي طبعك ، صحيح كل واحد له طريقة مختلفة عنك لكن ولا واحد فيهم هيقبل ان العائلة دي تتفكك او يجرالها حاجة ...