عشقي ٣ (My Love 3)

الحلقة الثانية والعشرون

مبني المخابرات

مكتب ناكول

ما ان دلفت الي مكتب والدها ...

ناكول : لارا حبيبتي ...

لينهض من مكانه ويقترب منها ليقبل راسها بحنان ابوي ...

لارا "بغضب طفولي" : علي فكرة انا زعلانة جدا ...

ناكول "ضاحكا" : يا خبر ابيض ، لارا حبيبة قلب ابوها زعلانة وجدا كمان ...

لارا : ايون وانت عارف ليه عشان ما تسألنيش عن السبب عشان مش هقولك ، بس ...

ليداعب خديها ...

ناكول : لسة زي ما انتي ، بتكبري بجسمك بس لكن روحك لسة روح الطفلة الشقية اللي كانت دايما تحب تقولي انها لما تكبر هتبقي ضابط زي بابا وخالو ، فاكرة ...

لارا "بابتسامة خفيفة" : طبعا ، واديني اهو بقيت ضابط بس كان نفسي بابا او خالو هم اللي يدربوني ، لكن اللي حصل ان يا بابا سلمتني تسليم اهالي لصاحبك ابو دم تقيل دا ...

ناكول "ضاحكا" : علي فكرة ادهم دمه خفيف جدا ، بس هو اللي مش بيبان عليه ...

لارا : بيبان والا لا ، اقولك انا مش محتاجة تدريب ، انت طول عمرك بتدربني انت وخالو اومكارا وجدو اومكارا كمان ، يعني انا مؤهلة بدرجة كافية ...

ناكول : لا يا لارا ، انتي مش مؤهلة بالدرجة الكافية اللي تستحقي بيها تكوني في المكان دا ، الجهاز هنا مش حاجة سهلة ، انتي اه اتدربتي علي كل انواع فنون القتال لكن اللي ناقصة فنون التفكير وقدرة التحمل ودا اللي هتكسبيه لما ادهم يدربك ...

لارا : بس يا بابا ، ادهم دا تقريبا في سنك ، يعني مش هعرف اتعامل معاه ...

اومشيف "ضاحكا" : مين دي اللي مش هتعرف تتعامل ، انتي يا لارا ، اشك ...

كان يحدثها وهو يدلف الي داخل المكتب ...

لارا : اونكل اومكارا ، انت معايا والا ضدي ...

اومشيف : انا مع الحق ، يا لمضة ...

لارا "بغضب طفولي" : يعني مش هترجعوا في قراركم دا ...

لينظر كلا من اومشيف وناكول الي بعضهما ، ليجيبها معا ...

الاثنان معا : لا ...

لارا "بغموض" : ماشي ، انتوا اللي اخترتوا ، ها بقي فين مكتب ابو دم تقيل ...

اومشيف "مستغربا" : ابو دم تقيل ...

لينظر الي ناكول ...

ناكول : قصدها ادهم ...

لينفجر اومشيف ضحكا ...

اومشيف "بخفوت" : لا ، كدا بقي واضح اننا هنشوف افلام انما ايه ...

ناكول "بخفوت" : بس يا ريت تكون كوميدي لانها لو قلبت اكشن يبقي الله يرحم حد فيهم ...