عشقي ٣ (My Love 3)

الحلقة الثالثة والعشرون

كلية الاعلام

قاعة المحاضرات

ما ان دلفتا الي قاعة المحاضرات والا بهما تتفاجئا بنفس الشاب "ديف" يجلس علي المقعد الذي اتت خصيصا حتي تجلس عليه لتكون في المقدمة ...

اقتربت منه ومعها صديقتها ووقفت امامه ونظرت اليه نظرات عدائية ...

سيا : انت يا جدع انت ، انت ايه اللي مقعدك هنا ...

ديف : عادي ...

سيا : لا مش عادي ، ويلا قوم من هنا عشان دا المكان بتاعنا ...

ديف : بتاعكم ، ما ظنش ...

سيا : دا انت بارد يا جدع انت ...

ديف : نو ، انا ديف كورانا ، ويا ريت تهدي شوية وتخليكي كول زي صاحبتك القمر دي ...

سيا : وانا بقولك قوم احسنلك ...

ديف : واقوم ليه ، ما عندك باقي الاماكن فاضية تقدري تقعدي في اي حته ، انما انا ، مستريح كدا ...

كادت ان تجيبه ...

سيلا : خلاص يا سيا ، تعالي نقعد في مكان تاني وخلاص ...

سيا: يا سلام ، مش دا المكان اللي كنتي مصدعاني ومسربعاني عشان تيجي وتقعدني في المكان دا ...

سيلا : ايوة حصل بس هو خلاص دخل قبلنا وقعد ، مش هنقف نتخانق عشان مكان وفيه اماكن فاضية غيره كتير ...

سيا : تصدقي انا غلطانة اني بتخانق عشانك ، انا هروح اقعد في اخر المدرج وانتي اولعي ...

كادت ان تتحرك ، والا بها تمسكها من يدها وتوقفها ...

سيلا : استني بس ...

سيا : عايزة ايه تاني ...

سيلا : عايزاكي ما تزعليش ، انا اسفة ...

ونظرت الي ديف الذي كان يتابع الموقف في صمت ...

سيلا : ممكن بعد اذنك تقوم تقعد في البنش اللي وراء دا وتسيبلنا المكان دا ...

لينهض من مكانه وينظر اليها بنظرات لم تستطع ان تميزها ...

ديف : سمو الاميرة تؤمر وعليا التنفيذ ، اتفضلي يا مولاتي ...

لينحي امامها ...

لتبتسم علي حركته الرقيقة بينما نظرت اليه ريديما وعلامات الصدمة تملئ وجهها ...

سيا : لا وربنا الراجل دا لا يمكن يكون طبيعي ابدااااااااااااا ...

ليتجها حتي يجلسا بينما اتجه ديف ليجلس في المقعد الذي خلفهما مباشرتا ، ليخرج هاتفه ويبعث برسالة اخري ...

الرسالة "الهدف اصبح تحت السيطرة" ...

ليضغط علي زر الارسال ، ليبدأ باقي الطلبة في الدلوف ومن بعدهم المحاضر لتبدأ المحاضرة ...