عشقي ٣ (My Love 3)

الحلقة الرابعة والخمسون

مشفي اوبروي بغوا

فايز "بسخرية" : مادام اللعب بقي علي المكشوف ، فاه انا اللي وراء اللي حصل لحفيدتك ...

شيفاي : حلو ، عملت ايه ...

فايز : ولا حاجة ، هي حقنة صغيرة اتحطت في العصير اللي شربته وهي في الطيارة ، بس ...

ادهم "بحدة وغضب" : حقنة ايه دي ، انطقققققققق ...

فايز : اهدئ يا ادهم باشا ، الموضوع مش مستاهل العصبية والغضب دا كله ...

ادهم "بصوت جهوري" : انطق يا فايز الكلب ، حقنة ايه اللي حطتهالها في العصير ، انطق والا وغلاوتها عندي ليكون اخر يوم ليك ، هدفنك وانت حي يا حيواااااااااان ...

فايز : مع انك عارف كويس اوي ان مش فايز مالهوترا اللي يتهدد بس هعديهالك واقولك ، الحقنة اللي اضافت للعصير ، حقنة سم ...

الجميع : سمممممممممممممم ...

لتسقط انيا مغشيا عليها ...

ليسرع ناكول اليها ، ليحملها علي يديه ...

ناكول "بصريخ" : دكتورررررررررررر ...

لتأتي احدي الممرضات اليه مسرعتا ...

الممرضة : تعال معايا بسرعة ...

لتركض وهو خلفها الي احد الغرف ...

شيفاي "بعد ان اغلق صوت الهاتف" : انيكا روحي معاهم وانا هخلص من الزفت دا واجيلكم ...

انيكا : ماشي ...

لتتجه وبصحبتها كلا من غوري وميشتي الي الغرفة التي دلف اليها ناكول ...

ما ان تأكد من اختفائهم ، التفت الي ابنائه وازواج حفيداته ...

شيفاي : اسمعوني كويس ، انا عايزكم تعرفوا مكانه ويكون عندي العنوان قبل ما المكالمة دي تنتهي ...

ايان : اعتبره حصل ، كمل حضرتك معاه وانا هتابع مع رجالتي في التليفون ...

ليمسك بهاتفه ويتجه بعيدا عنهم ...

ايان : ايوة ، فيه مكالمة علي تليفون الباشا الكبير ، عايزك تعرفلي عنوان اللي بيكلمه حالا ...

لينهي المكالمة ويعود اليهم مرة اخري ...

وما ان وقف امام شيفاي حتي اومأ براسه له ، ليأخذ شيفاي نفسا عميقا ويعود الي المكالمة مرة اخري ...

فايز : بقي كدا يا باشا ، سايبني ملطوع كل دا علي التليفون ، بس يا تري مين من ملكات قلبك اللي وقعت ، الملكة الكبيرة والا اميرتك الصغيرة ، ها ...

شيفاي : انت مالكش دعوة باهل بيتي ودلوقتي حالا تقولي نوع السم اللي حفيدتي اخدته دا والترياق بتاعه فين ...