عشقي ٣ (My Love 3)

الحلقة الثامنة والاربعون

ايطاليا

امام منزل فايز

كان يقفان امام المنزل الذي من المفترض ان يكون المقر الذي يختبئ به فايز ، كان يتابعان كل التحركات التي تحدث بداخل المنزل ...

لارا : وبعدين ، هنعمل ايه ...

ادهم : هنعمل ايه يعني ، هندخل ...

لارا : هندخل ازاي ، انت مجنون ، مش شايف الحرس اللي في كل مكان دول ، دي النملة ما تعرفش تدخل منهم ...

ادهم : النملة ، مش ادهم خان ...

لارا : يا ربي عليك ، انت مش ناوي تحط غرورك دا علي جنب وتبقي طبيعي زينا كدا ...

ادهم : لما تبطلي انتي عنادك الاول ، المهم تعالي ورايا ...

ليحمل الحقيبة التي معهم ويتجه الي وجهته دون انتظار ردها ...

كانت تهز راسها بيأس منه وما ان التفتت كي تحدثه والا بها تتفاجئ بانه قد تركها ورحل ...

لارا : اللهي تنشك يا بعيد ...

لتبحث عنه بعيناها لتجده يتجه الي احد البنايات المواجهة لمنزل فايز ...

لارا : استني يا جدع انت ، استني هنا رايح فين ...

لتركض وراءه ...

اعلي البناية

ما ان وصلت ، وجدته يخرج بعض الادوات والاجهزة من الحقيبة التي كان يحملها منذ ان خرجا من الشقة التي يقيمان فيها ...

اقتربت منه وهي تكاد تلتقط انفاسها ...

لارا : انت ازاي تسيبني وتمشي كدا ، هو احنا مش المفروض في المهمة دي مع بعض والا ايه ...

ادهم "وهو يضبط السلاح الذي سيصوبه علي المنزل" : يا ريت تسيبك من الكلام الاهبل دا عشان احنا دلوقتي لازم نركز في اللي هيحصل ...

لارا "بغيظ" : وايه اللي هيحصل يا مستر كرومبو ، وبعدين الحاجات دي كلها جيبتها منين واحنا خرجنا من الهند لفرنسا وبعدين لايطاليا وما كانش معانا الحاجات دي ...

ادهم : مع انه المفروض ما اقولكيش حاجة ، بس انا هفهمك ، الاجهزة دي ما كانش ينفع اننا نخرج بيها من الهند ، لان لو حتي قدرنا نعديها من المطار في الهند ودا طبعا لطبيعة الجهاز اللي بنشتغل فيه ، فاحنا ما كناش هنقدر نعديها لا من مطار فرنسا ولا المطار هنا في ايطاليا وعشان كدا رجالتنا هنا هم اللي امنوا الاجهزة والمعدات دي وحطوها في الشقة بعد ما أمنوها كويس اوي ، فهمتي ...

لارا : فهمت ، بس ممكن تقولي احنا علي السطوح دا ليه ، احنا المفروض نشوف طريقة ندخل بيها الفيلا اللي هناك دي ، شايفها ...