تكملة الفلاش باك
شيفاي : خلصتوا ، اسمعوا بقي ، اولا ، فارون طلب مني ايد روهفيتا وانا مبدائيا وافقت ...
لتنتفض من مكانها صارختا ...
روفيا : الكلام دا لا يمكن يحصل ، علي جثتييييييييييييييييييي ...
لينتفض من مكانه هو الاخر صارخا بها ...
روهيت : روفيااااااااا ، اقعدي ومش عايز اسمع صوتك ، انتي ايه ما بتحرميش ...
روفيا : لا يا روهيت ، انا مش هقعد ولا هسكت ، واه انا ما بحرمش يا روهيت ، وجواز اللي اسمه فارون دا من بنتي روهفيتا مش هيتم الا علي جثتي ووريني بقي هتعمل ايه ...
روهيت : روفيااااااااااا ...
صرخ بينما كادت يده ان تهوي وعلي وجهها الا ان يدا اقوي اوقفتها ...
التفتا ليجداه هو ، اجل فارون ، هو الذي وقف في المنتصف لكي يمنع روهيت من تلك الغلطة التي لا يعلم عواقبها ...
روهيت : ابعد وما تقفش في وشي ...
فارون : لا مش هبعد ولا هسمحلك تغلط الغلطة دي مرة تانية ، مدام روفيا ما غلطتش لما رفضت جوازي من بنتها ودا حقها ...
روهيت : لا مش حقها ، الوحيد اللي له الحق دا هو ابويا مش هي ولا حتي انا ...
فارون : صح ، طبعا شيفاي باشا له مكانته وكلمته اللي ماحدش يقدر يكسرها ، بس مدام روفيا تبقي ام روهفيتا زي ما انت تبقي ابوها ، انا ما غلطتش لما طلبتها من شيفاي باشا بس دا احتراما له وتقديرا لمكانته كبير عائلة اوبروي ، وبعدين انا اكتر واحد عارف سبب رفض مدام روفيا لجوازي من بنتها ...
روفيا : طب كويس انك عارف السبب ...
شيفاي : وانا كمان عارف السبب ومع ذلك وافقت عارفة ليه يا مرات ابني ...
التفتت له دون ان تتفوه بكلمة واحدة ...
شيفاي : عشان انا عمري ما بعاقب واحد بذنب حد تاني ، اللي غلط هو اللي يستاهل العقاب ، وفارون ما غلطش بالعكس ، احترم كلمته معايا وحافظ علي حفيدتي لدرجة ان اللي كانوا عايزين يأذوها ما قدروش يوصلولها لان فارون كان واقفلهم زي السد المنيع ، السد اللي حاولوا كتير يبعدوه عن سكتهم وما عرفوش ، ولما غلبوا اشتروا صاحب عمره عشان يلهيه ويبعده شوية عن روهفيتا عشان يقدروا هيستفردوا بيها ، ولما هو حس بان فيه حاجة غلط ، ضرب صاحبه وجري عشان ينقذها ، انا وافقت عليه عشان هو اول ما حس بعاطفة ناحية بنتك ، جالي وصارحني وكان خايف لاعمل زيك كدا واخده بذنب والدته ، وانا احترمته خصوصا بعد المكالمة اللي تمت بينا من يومين ...
فلاش باك المكالمة
كان يتابع بعض الاعمال عندما انتبه لرنين هاتفه ، ليمسك به ويجيب ...
أنت تقرأ
عشقي ٣ (My Love 3)
Romanceرومانسية عائلة اوبروي سوف تكمل رحلتها مع كابلز جدد بجانب الابطال الرئيسيين
