عشقي ٣ (My Love 3)

الحلقة السابعة عشر

مبني المخابرات

مكتب اومشيف

ما ان عادوا الي مكان عملهم مرة اخري ...

ادهم : ممكن افهم رجعتونا هنا ليه تاني ...

ناكول : لان دا مكان شغلنا يا خفيف واحنا لازم نضبط كل حاجة تخص المهمة اللي هتبدأ بكرا ...

اومشيف : وكمان عشان نعرف منك ، ازاي يكون عندك اخ وما تقولناش ، ها ...

ادهم : واديكوا عرفتوا ، المهم دلوقتي ، انا نفسي اعرف ابوك عرف المعلومة دي ازاي ...

ناكول : يا ابني انت ما تستهونش بشفياي باشا اوبروي ، الراجل دا يقدر يوصل للي احنا كدا بكل الاجهزة والامكانيات اللي عندنا ما نقدرش نوصله ، شيفاي باشا ما وصلش للمكانة اللي هو فيها دي بالساهل ...

اومشيف : وما تنساش كمان وجود عمي اومكارا معاه دايما ، فرق كتير اوي ...

ادهم : تمام ، قولولي بقي ايه التضبيطات اللي عايزين تعملوها ...

اومشيف : قبل التضبيطات ، ناكول عايزك في حاجة مهمة ...

ادهم : يا سلام ، وهو ناكول جايبك واسطة والا ايه ...

اومشيف : تصدق انا عايز اضرب حد وشكلي هقوم اضربك انت ...

ادهم : ليه بس يا وحش ، اهدي كدا ، وانت يا عم ناكول قول اللي عندك خلينا نخلص ...

ناكول : بص يا ادهم ، انا عايزك انت اللي تكون مسئول عن تدريب لارا ...

ادهم "بصدمة" : ايه ...

اومشيف : وانت مالك مصدوم كدا ليه ...

ادهم : يعني انت عايزني بعد اللي قاله دا ، اقوم ارقص ...

ناكول : لا طبعا ، بس برضو المفروض انك ما تستغربش طلبي دا ، خصوصا وانت اللي طلبت ...

ادهم : دا امتي دا ...

ناكول : لما كنا في القصر ، وقت لما كنا بنسأل ريهان عن ميعاد وصول اريان وساعتها لارا اتدخلت وحللت الموضوع بشكل تاني خالص غير اللي احنا كلنا كما ماشين فيه ...

ادهم : اه افتكرت ، انا يومها قولتلك اني هدربها ، بس انا كنت بهزر ...

اومشيف : بتهزر ، معني كدا انك رافض تدربها ...

ادهم : يعني انتوا عايزين تقنعوني انكم عايزيني انا اللي ادربها ، وابوها وخالها موجودين ...

اومشيف : اديك قولتها ، هو ابوها وانا خالها ، يعني احنا بكل المقاييس ما نقدرش ندربها التدريب المضبوط ...

ادهم : ودا ليه ان شاء الله ...

اومشيف : انت غبي يا ادهم ، ناكول يبقي ابوها ، يعني بالتأكيد مش هيقدر يكون قاسي عليها ، وانا خالها ، لو قسيت عليها مرة ، مش هقسي عليها مرتين والا تلاتة ...