عشقي ٣ (My Love 3)

الحلقة الحادية والخمسون

علي الجزيرة

في الشالية

كانت تجلس امام شاشة التلفاز تشاهد احد المسلسلات المفضل لديها والذي كان امريكيا رومانسيا بينما قدمها التي اصيبت بتمزق عندما انزلقت وهو بالحمام مفرودة امامها وهي مربوطة بالرباط الضاغط ، بينما شيفان كان بالمطبخ حتي يعد لهما طبقا من الفيشار ...

سيلينا "بنبرة عالية" : كل دا بتعمل في شوية فشار ...

شيفان "بنبرة عالية من المطبخ" : خلاص اهو ، ثواني واكون عندك ...

وبالفعل لم تمر الا دقيقة واحدة وكان يجلس بجوارها واضعا طبق الفشار الكبير الذي قام باعداده بين يديها ، لتبدأ في تناوله بنهم شديد ...

نظر اليها وابتسامته تملئ وجهه وهو يري انسجامها مع احداث ذلك المسلسل وتفاعلها الكبير مع ابطاله ...

شيفان : والله الواحد مش عارف وهو شايفك كدا يقول مندمجة مع مين فيهم اكتر الفشار والمسلسل اللي بتتفرجي عليه دا ...

سيلينا "بتركيز فيما تفعله" : الاتنين ، بس المسلسل اكتر ...

لينظر الي شاشة التلفاز ثم اليها ...

شيفان : انا مش عارف انت ايه اللي عاجبك في المسلسلات دي ، دا انا حاولت مرة اتفرج علي حلقة منها مع البت شيفاني ما استحملتش...

سيلينا : ليه ، مالو المسلسل ...

شيفان : ممل وطويل من غير لازمة ، وبعدين تحسيهم ماعندهمش حاجة يقولوها ، اللي بيقولوه بيعيدوه ، فين المتعة والتسلية في كدا ...

لتنظر له ثم تعود الي مسلسلها ...

سيلينا : وانت ايش فهمك انت في الفن والتمثيل ، المسلسل يجنن واحداثه تاخد العقل ، بص الاحسن تخليك في المسدسات والضرب بتاعك وما تعلقش علي الفن والفنانين ، خصوصا بطل المسلسل عشان انا بعشقه ...

شيفان "بحدة وغيرة" : بتايه يا ختي ...

سيلينا : بعشقه ، ايه مش شايفه عامل ازاي ...

شيفان : عامل ازاي يعني ، ماهو راجل زي اي راجل ، عادي يعني ...

سيلينا : عادي ، هو ايه اللي عادي ، دا فظيع ، جان كدا ووسيم و ...

لتشتعل نيران الغيرة بداخله اكثر مما جعله يمسك بجهاز التحكم عن بعد "الريموت" ، ليغلق التلفاز ...

التفتت له ونظرت اليه باعين متسعة ...

سيلينا : ايه اللي انت عملته دا ، انت ازاي تقفل التليفزيون وانا بتفرج علي المسلسل ، ها ...

شيفان "بغيرة" : انتي اللي مالك ، فيكي ايه ، ايه هتموتي علي الواد الملزق دا كدا ليه ، ها ...