عشقي ٣ (My Love 3)

الحلقة الثامنة عشر

شركة اريان

مكتب رئيس مجلس الادارة

ما ان طرقت علي باب الغرفة حتي أتاها صوته من الداخل ...

اريان : ادخل ...

فتحت عيناها علي وسعهمها ما ان استمعت الي صوته ...

مايرا : ايه دا بقي ، انا الصوت دا مش غريب عليا ، لا لا ، اناهعرفه منين بس ، يلا لما ادخل واشوف مديري الجديد دا شكله ايه ، يا رب يكون شبه توم كروز كدا ...

لتأخذ نفسا عميقا وتفتح الباب وتدلف للداخل ...

ما ان دلفت الي الداخل ، نظرت الي مكتبه لتفاجئ بأنه لا يجلس عليه ، جالت بعيناها الغرفة لتجده يقف امام النافذة بشموخ معطيا ظهره لها يتأمل المنظر خارج مكتبه ...

مايرا "محدثتا نفسها" : واو ، دا ايه الراجل الطول بعرض دا ، دا شكله هيكون مز المزز علي رأي البت فيديا ، بس مش عارفة ليه انا حاسة اني شوفت الجثة دي قبل كدا ، يلا ما علينا ، لما اعمل اي صوت عشان يعبرني ...

لتسلك حلقها وترسم ابتسامتها علي شفتاها ...

مايرا "بجدية" : حضرتك طلبتني ...

اريان : ..................

مايرا : انا مايرا ميهرا ، سكرتيرة حضرتك ...

ليسود الصمت بعدها ...

مايرا "محدثتا نفسها" : شكله ما سمعنيش ، طب اعيدله كلامي مرة تانية ...

وقبل ان تفتح فمها ، أجابها ...

اريان : ما ظنش ...

لتلجمها الصدمة ...

مايرا "محدثتا نفسها" : لا لا لا ، لا يمكن اللي بفكر فيه دا يكون صح ، لا مش ممكن يكون هو ، ايه اللي هيجيبه هنا ، مستحيل اللي بفكر فيه دا ...

ولكن كل أمانيها قد تبددت ما ان ادار نفسه ليصبح مواجهها لها ...

ما ان رأت وجهه وتلك الابتسامة التي يرسمها علي شفتاه ...

مايرا "بذهول" : انت ...

اريان : مفاجأة حلوة ، مش كدا يا ميرو ...

مايرا : انت ايه اللي جابك هنا يا بتاع انت ...

اريان "ببرود" : تؤ تؤ ، عيب يا ميرو ، معقولة نسيتي اللي قولناه ، لا بجد انا كدا هزعل منك اوي ...

مايرا "بعصبية" : تزعل ايه يا بتاع انت ، ما تزعل والا تتفلق ، دا انا ما صدقت اخلص منك في البيت ، تقوم تنطلي هنا في الشركة ، اسمع انت لازم تطلع برا دلوقت حالا ، سامع ...

لينظر اليها ويقترب ويمسك ذقنها ويداعبها ، ليتركها ويتجه الي مكتبه ليجلس عليه ...

ما ان جلس حتي شهقت واسرعت اليه وامسكت بذراعه وبدأت في جذبه حتي ينهض الا ان قوته الجسمانية كانت كالسد المنيع امامها ، فلم يتحرك من مكانه ...