عشقي ٣ (My Love 3)

الحلقة التاسعة والعشرون

مشفي اوبروي

غرفة كارول

كانت الممرضة تقوم بمتاعبة الاجهزة عندما سمعت صوتا خافتا بجوارها ، التفتت لتجدها تحاول فتح عيناها ، اقتربت منها ...

الممرضة : حمدالله علي سلامتك ...

كارول "بوهن" : ابني ...

الممرضة : انا هروح انده دكتور ارثر ...

لتتركها وتسرع الي ارثر لتبلغه ، ليأتي مسرعا بعد ان ابلغ كارما بافاقت كارول ...

ما ان دلف للغرفة ...

ارثر : حمد الله علي سلامتك يا ...

لينظر اليها ...

كارول "بتعب" : كارول ، اسمي كارول ...

ارثر : حمد الله علي سلامتك يا كارول ...

كارول "بتعب" : ابني فين ...

ارثر : ابنك مع دكتورة كارما ، ما تقلقيش عليه ، وعشان اطمنك اكتر ، دكتورة كارما دي تبقي مراتي وكمان رئيسة قسم الاطفال هنا ...

كارول : انا ، انا عايزة اشوفه ...

ارثر : هتشوفيه بس الاول نطمن عليكي ...

لتومئ له براسها ، ليبدأ هو في فحصها ومتابعة اشاراتها الحيوية ...

ما ان انتهي ، تفاجئ بباب الغرفة يفتح وكارما وادفاي والصغير يدلفون للداخل ...

ارثر : ايه هي وكالة من غير بواب ...

ادفاي : عمو ، هي عاملة ايه ...

ارثر : كويسة يا نحنوح ، كويسة اوي ، بس مش عارف بعد ما تشوفك هيحصلها ايه ...

لينظر الي كارما التي كانت تكتم ضحكتها ...

ارثر : اضحكي اضحكي بلاش تكتميها وخدودك تتقلب لفراولة ...

كارما "ضاحكتا" : اعمل ايه ، دمك خفيف يا حبيبي خصوصا وانت بتغيظ ولاد اخواتك ...

ارثر : وقريب ابنك هيدخل معاهم ما تقلقيش ...

كارما : لا كله الا كومار حبيب قلبي ...

ليقترب منها ويمسكها من ملابسها كالمجرمين ...

ارثر : نعم يا ختي ، هو مين دا اللي حبيب قلبك ...

لتنطلق ضحكات هذا الصغير وهو يمد يده الي ارثر الذي انتبه اليه ...

ارثر : مين دا ، انتي خلفتي من ورايا يا كارما ...

كارما : خلفت ايه بس يا ريثو ...

ارثر : اومال مين العيل دا ...

ادفاي : ايه يا عمو انت جالك زهايمر والا ايه ، دا الولد ابن الست اللي نايمة دي ...

كارول : خالد ابني ...