عشقي ٣ (My Love 3)

الحلقة الحادية والستون ( الجزء الاول من الحلقة الاخيرة)

في صباح اليوم التالي

قرية اوبروي

المطعم

كان كلا من انيشكا وشيفاني وسيلا وروهفيتا وسيلينا وماسة وكارول ليتناولن افطارهن بينما يتبادلن الحديث عما سيقومن بفعله من اجل تحضيرات الزفاف ...

سيلا : اظن احنا اتفقنا خلاص ومفيش ولا واحدة هترجع في كلامها ...

انيشكا : هو من حيث اننا اتفقنا فاه احنا خلاص المهم دلوقتي رأي البهوات اللي هنتجوزهم ...

شيفاني : معاكي حق يا انيشكا يا اختي ، انا هولاكو بتاعي ممكن يهدلي كل اللي خططتله ويعمل اللي هو عايزه ...

ريهان "وهو يقف خلفها" : وهولاكو ما يرضهوش يزعلك ...

لتغمض عينها وهي تتمتم ...

شيفاني : يا رب ما يكون اللي في بالي ...

لتفتح عيناها وتنظر الي الفتيات لتتفاجئ بهم ينظرون الي ما خلفها باعين واسعة ...

شيفاني "وهي تبتلع ريقها" : اللي في بالي صح ...

لتومئ لها الفتيات بروؤسهم بالايجاب ...

شيفاني "بخفوت وهي مغمضة العينان" : اقرئ الفاتحة علي روحك يا شيفاني ، والله كنتي طيبة ، شعنونة اه بس طيبة برضو ، ايه يا شيفاني مالك ، خايفة كدا ليه ، اجمدي كدا وما تخافيش ، مش هيقدر يعملك حاجة وبعدين انتي ما كدبتش ، ما هو فعلا هولاكو ...

ريهان : وهولاكو هيربيكي من اول وجديد ...

لتفتح عيناها لتجده امامها مباشرتا وابتسامة ماكرة مرسومة علي شفتاه ...

شيفاني "متداركة الموقف سريعا" : ريهو حبيبي ، انت جيت امتي ...

ليرجع بجذعه الي الخلف رافعا احدي حاجبيه وهو ينظر اليها ...

ريهان "محدثا نفسه" : ريهو حبيبي ، مش عليا انا الحركات دي يا شيفي ، دا انا حافظك اكتر من نفسك ، بس ماشي ، عايزة تلعبي ومالو نلعب يا مجنونتي ...

لينتبه علي صوتها ...

شيفاني : ريهان انت سامعني ...

ريهان "وهو يضع يده علي اذنه" : ايه ، بس ، وطي صوتك دا ، حد قالك ان انا اطرش ...

شيفاني "بدلع" : الله ما هو انا عمالة اكلمك وانت مش معايا ...

ريهان : تقومي تصوتي في ودني يا مفترية ...

شيفاني "ضاحكتا مداعبتا خدوده بيديها" : شكلك يجنن وانت متعصب يا ريهو ...

وقبل ان يجيبها انتبه علي هولاء الذين يجلسون حولهم يضحكون علي ما تفعله به هذه الشعنونة ...