عشقي ٣ (My Love 3)

الحلقة الثامنة والعشرون

قصر اوبروي

الممر المؤدي الي الغرف

كانت قد انتهت من ارتداء ملابسها ، لتلقي نظرة اخيرة علي نفسها قبل ان تفتح باب الغرفة لتخرج منه وما ان اغلقته واستدارت حتي تفاجئت بباب غرفته والتي تقع امام غرفتها والتي كانت مغلقة منذ اكثر من شهر تفتح ليخرج منها ذلك الوسيم الذي وقف متجمدا امام ما تراه عيناه...

شيفان "محدثا نفسه" : يخربيت جمال امك ، انا طول عمري بشوفك من واحنا صغيرين لحد ما كبرنا ، بس اول مرة اعرف انك بالجمال دا والا يمكن الشهر اللي غيبته هو اللي غيرك كدا ...

لينتبه علي صوتها ...

سيلينا : هاي ، مالك ...

شيفان : مالي ، ما انا كويس اهو ...

سيلينا : كويس ايه وانت واقف متنح زي ما تكون شوفت حاجة غريبة ...

شيفان : هو من ناحية شوفت فانا فعلا شوفت ...

سيلينا : شوفت ايه بقي ...

شيفان : شوفت الهة الجمال عند الاغريق قدامي ...

لتحمر وجنتيتها خجلا ...

شيفان "ضاحكا" : ايه دا ، انتي بتتكسفي ...

لتنظر اليه شرزا ...

سيلينا : ليه يعني ، هو انا مش بنت ...

ليقترب منها خطوة ...

شيفان : دا انتي ست البنات ...

ابتسمت بخجل ومدت يدها اليه ...

سيلينا "برقة" : حمد الله علي السلامة ...

لم يبالي ليدها الممدوة واقترب منها اكثر ليضمها الي صدره ، يشتم رائحتها ...

شيفان : الترحيب بيكون كدا ...

جحظت عيناها مستغربتا فعلته ، لتبعده عنها بهدوء ودارت بعيناها في جميع الاتجاهات ما عدا الجهة التي هو بها ...

سيلينا : ايه اللي عملته دا ...

شيفان : عادي ، انا ابن خالك وانتي بنت عمتي ...

سيلينا : ايوة بس ما ينفعش ...

شيفان "بمكر" : ليه ...

سيلينا : عشان احنا قرايب بس ، احنا مفيش بينا حاجة تخليك تحضني كدا عادي ...

ليميل بجزعه عليها ليهمس في اذنها ...

شيفان : ولو بقي فيه حاجة ، هتوافقي ...

لترفع عيناها لتتقابل مع عيناه بينما انفاسه الساخنة تضرب وجهها ، ليسرحا في عالم ليس به احدا سواهم ...

لحظات مرت قبل ان تعود الي رشدها ...

سيلينا "بخفوت" : شيفان ، ابعد لو سمحت ، ما ينفعش كدا ...