عشقي ٣ (My Love 3)

الحلقة التاسعة والثلاثون

مشفي اوبروي

الكافيتريا

ما ان جلسوا جميعا حول تلك الطاولة ، وبعد ان احضر لهم عامل الكافيتريا المشروبات التي قاموا بطلبها ...

روهان : خير يا بابا ، حضرتك جيبتنا هنا ليه ...

لينظر الي ابنه ثم الي مايرا التي لم تفارق حضن والدها ...

شيفاي : انا جيبتكم هنا عشان مايرا لازم تعرف حقيقة اللي حصل زمان والسبب اللي خلي ابوها يبعد عنها كل السنين دي كلها ...

انتبهت لترفع راسها عن حضن ابيها ونظرت باعينها الدامعة الي جدها ...

مايرا : انا مش محتاجة اعرف اي حاجة يا ...

لتصمت لتبدو من ملامحها انها مترددة فيما تريد ان تقوله ...

لتقترب انيكا والتي كانت تجلس بجوارها ، لتملس علي شعرها بحنان ...

انيكا : مايرا ، انتي دلوقتي مابقاتيش مايرا سكرتيرة اريان ، لا انتي بقيتي مايرا روهان اوبروي ، يعني روهان يبقي ابوكي وشيفاي يبقي جدك وانا جدتك ، يعني مش لازم تترددي قبل ما تنادي لجدك بجدو وانا تقوليلي نانا ...

لتبتسم لها ...

مايرا : يعني انا قدر اقوله جدو عادي ومش هيزعل ...

شيفاي "باسما" : وايه اللي يزعلني لما حفيدتي القمر تقولي يا جدو ...

اريان "بخفوت" : قمر ، انا شكلي هتعب مع العيلة دي ، جدو بيعاكس مراتي وقدامي كمان ، ااااااااه ، حتي انت يا جدي ...

مايرا : طب يا جدو انا مش عايزة اعرف اي حاجة من اللي حصلت زمان ، انا كفاية عليا اني قابلت بابا وعيلتي الحقيقية ...

شيفاي : انا عارف ومقدر خوفك من اللي ممكن تعرفيه وعشان كدا رافضة تعرفي اللي حصل ، بس يا بنتي لو ما عرفتيش ماضيكي مش هتعرفي يكون ليك مستقبل وهتفضلي تتخبطي في اللي حواليكي ...

اريان : مايرا ، اللي جدو عايز يقولهولك ان انتي لازم تعرفي حقيقة اللي حصل زمان عشان لما تاخدي قرارك تاخديه صح ...

مايرا : قرار ايه اللي هاخده ...

روهان : اول قرار هو انك تقبلي ان انا ابوكي وبالتالي تغييري اسمك وتبقي مايرا روهان شيفاي اوبروي ...

اريان : تاني قرار هو انك تختاري هتعيشي مع مين ، مع عمي روهان وعيلتك والا مع مامتك ...

انيكا : وتالت قرار والاهم من كل دا ، جوازك من اريان ابن عمك مش مديرك ، فهماني يا مايرا ...

لتنظر اليهم جميعا ...

مايرا : طب انا عايزة اقولكم حاجة قبل ما تحكويلي اي حاجة من اللي حصلت زمان ...

شيفاي : قولي كل اللي انتي عايزاه ، احنا كلنا هنا عشان نسمعك ...

لتلف بعيناها عليهم جميعا ، لتأخذ نفسا عميقا ...