عشقي ٣ (My Love 3)

الحلقة الخامسة والخمسون

في السيارة

كان ايان هو من يقود السيارة وبجواره يجلس ادهم بينما في الخلف كان يجلس كلا من فارون وريهان وشيفان ، كان الصمت هو سيد الموقف حتي قرر شيفان كسره ...

شيفان : دا ايه الكآبة اللي انا قاعد فيها دي ، شكلكم ولا اللي رايحين عزا والله ...

ريهان : اهو دا اللي كنت خايف منه ، عايزنا نعمل ايه يا فالح ...

شيفان : اي حاجة ، بس بلاش السكوت اللي يخنق دا ...

فارون : انت متأكد انك ضابط يا شيفان ...

شيفان : طبعا متأكد ، انا ضابط مخابرات مش اي كلام يا عم انت ...

فارون : عم ، لا واضح فعلا ...

ايان : فارون ، شيفان يبقي ابن اللواء اومكارا شيفاي اوبروي ، ومع ان معظم العيلة عنده ضباط بس اومكارا باشا كان معارض دخوله مجال بتاعنا ...

شيفان : فعلا بس انا ما سكتش ...

ايان : عملت ايه ...

شيفان : فضلت وراهم لحد ما اقنعتهم طبعا ...

ليدير ريهان عيناه بعدم تصديق لما يسمع ...

ايان : بجد ...

شيفان : طبعا يا ابني ، هو انا اي حد ، دا انا شيفان اوبروي ...

فارون "بلامبالاة" : فعلا ...

شيفان : ايه مش مصدقني والا ايه ...

فارون : انا ، لا طبعا مصدقك ...

ريهان : مصدق ايه انت كمان ، انت هتخاف منه ، دا بيكدب ...

شيفان : ايه ، مين ، مين دا اللي بيكدب يا ريهو ، ها ...

ريهان : انت اللي بتكدب يا شيفان ، بتحور عليهم وناسي ان انا معاكم ، وانا اكتر واحد عارف الحقيقة ، واخدلي بالك ، الحقيقة ...

ليضع شيفان يده علي فم ريهان حتي يسكته ...

ايان "الذي كان يتابع ما يحدث في المرأة" : ايه خوفت لتتفقسي يا بيضة ...

شيفان : بيضة ، ليه شايفني فرخة ...

فارون : والله انت ادري بحالك ، وبعدين ايه اللي انت عامله دا ، شيل ايدك ...

ليبعد يد شيفان عن ريهان الذي التفت اليه وامسك به من ملابسه ...

ريهان : بقي انت ياض انت تعمل معايا انا كدا ...

شيفان : انت قد المسكة اللي انت ماسكهالي دي ...

ريهان : اه قدها ، وريني انت بقي هتعمل ايه ...

شيفان : مش هعمل يا باشا ، امسك زي ما انت عايز المهم القميص ما يتكرمش ...

لينفجر الجميع ضحكا ماعدا هذا الذي كان بعالم اخر بعيدا عما يحدث حوله ...