عشقي ٣ (My Love 3)

الحلقة السابعة

منزل مايرا

ما ان انتهت من معالجته بنجاح وتأكدت من اخراج الرصاصة من كتفه وتقطيب الجرح بمهارة ، تهاوت ارضا وعلي محياها ابتسامة سعادة ورضي ...

مايرا "بسعادة" : خلصت ، بس ايه دا يا بت يا مايرا ، معقولة انتي قدرتي تعالجيه من غير ما يغمي عليك من منظر الدم ، بجد عبقرية ، دا المفروض يدخلوني موسوعة جينيس ، يلا بقي لما اراقبه واشوف هيحصله ايه ...

لتمر ساعة وهي تجلس ارضا بجواره تراقب حالته باهتمام شديد ، واثناء ذلك فتحت عيناها شاهقتا ...

مايرا : هاااااا ، انا ازاي نسيت ، انا ما اكلتش حاجة من الصبح وادينا اهو داخلين علي المغرب ...

لتبدأ معدتها في اصدار اصوات غريبة ، لتضع يدها علي معدتها بسرعة ناظرتا الي ذلك الغافي علي اريكتها ...

مايرا "متنفستا الصعداء" : الحمد لله انه نايم والا كان زمان منظري بايخ اوي قدامه ، يلا المهم اقوم اشوف ايه عندي يتاكل خليني اسكت الغيلان الموجودين في بطني دول ...

لتنهض من مكانها وتتجه الي مطبخها لتعد وجبة سريعة لكي تتناولها حتي تعود لمراقبته مرة اخري ...

ظلت طوال الليل بجواره تراقب حرارته التي ارعبتها بارتفاعها المفاجئ لتقوم برعايته والحرص على خفضها ...

سيارة اومشيف

كان كلا من ناكول وادهم يجلسون في الخلف يتحدثون عبر هواتفهم مع مساعديهم لمتاعبة كاميرات المراقبة المتواجدة في المطار وعلي طول الطريق من المطار الي القصر لمعرفة ما حدث منذ وصول اريان والي اين اتجه ، بينما كان روهان يجلس بجانب اخيه الذي كان يقود سيارته كالمجنون ...

روهان : اهدي يا اومكارا ، ان شاء الله هنلقيه ...

اومشيف : هنلقيه فين ، طيارته وصلت الساعة تسعة الصبح وادينا اهو داخلين علي تسعة بليل وهو ولا حس لا خبر ، انا هتجنن ، هيكون راح فين وليه ما رجعش علي القصر ...

ليضرب عجلة القيادة بقبضة يده بقوة ...

روهان "وهو ممسكا بيد شقيقه" : اهدي يا مجنون ، انت لازم تكون اهدئ من كدا عشان خاطر مراتك اللي سايبنها في البيت هتتجنن علي ابنها ...

اومشيف "بوجع" : اااااااااااااه ، اهي ميرا دي اكتر واحدة موجوع قلبي عليها ، انت مش متخيل ارتباطها بأريان شكله ايه ، دي ممكن تموت فيها لو ...

ناكول "مقاطعا" : بعد الشر يا جدع انت ، استهدي بالله كدا وان شاء الله هيرجع وهيكون بخير ، اهدي بقي وحاول تمسك اعصابك ، اريان دا مش ابنك لوحدك ، اريان دا ابننا كلنا ...

اومشيف : خلاص اديني ههدي اهو ، المهم قولي وصلت لحاجة انت او ادهم ...

ادهم : كل اللي وصلناله ان اريان فعلا وصل في طيارة تسعة الصبح وخرج وركب عربية من عربيات الشركة ...