عشقي ٣ (My Love 3)

الحلقة العاشرة

قصر اوبروي

جناح اومكيرا

ما ان خرج كلا من شيفان وشيفاني وانيشكا ، وما ان التفت ليقترب من زوجته والا به يجد ماسة لاتزال تقف مكانها لم تتحرك ...

اومشيف : ماسة ، مالك واقفة كدا ليه ...

ماسة : بصراحة يا بابا في موضوع عايزة اخد رائيك انت وماما فيه ...

اومشيف : والموضوع دا ما يستناش للصبح ...

ماسة : هو ممكن يستني بس ...

ميرا : استني يا اومكارا ، قولي يا ماسة ، موضوع ايه اللي عايزة تاخدي رائينا فيه ...

ماسة "بتردد" : بصراحة يا ماما ، انا عايزة اتدرب في المستشفي بتاعتنا ...

لينظر كلا من اومشيف وميرا الي بعضهما باستغراب ...

ميرا : بس انتي مش شايفه انه لسة بدري علي موضوع التدريب دا ، يعني انتي لسة قصادك سنة وكمان سنة الامتياز ...

ماسة : عارفة يا ماما بس انا عايزة اتدرب عشان اكون متمكنة وكمان حضرتك عارفة ان انا عايزة اتخصص جراحة زي حضرتك وزي عمو ارثر ، وانا سمعت ان الواحد لازم يتدرب كتير وايده وعينيه تكون دايما في الشغل عشان مستواه يكون متقدم دايما ...

اومشيف : طب انتي عايزة تدربي ، احنا بقي ايه المطلوب مننا ...

ماسة : عايزة حضرتك تكلم عمو ارثر في الموضوع ...

نظر اليها مستغربا ...

اومشيف : عايزاني انا اكلم ارثر عشان تتدربي في المستشفي بتاعتنا ...

لتومئ براسها بالموافقة ...

اومشيف "متنهدا" : اسف ، مش هكلم حد ...

ماسة "بصدمة" : ايه ، ليه يا بابا ، هو حضرتك مش موافق ...

اومشيف : بالعكس ، انا موافق انك تدربي وتحسني مستواكي ...

ماسة : طب ليه مش عايز تكلم عمي ...

لينظر الي ميرا التي اشارت له بعيناها ليفهم ما تريده ، ليلتفت الي ابنته مرة اخري ...

اومشيف "متنهدا" : تعالي يا ماسة ، قربي ...

لتقترب منه ، ليجذبها لتسقط في حضن ابيها ...

اومشيف : انا رافض اكلم عمك عشان عايزك انتي اللي تكلميه ، عايزك تعتمدي علي نفسك ، انتي كبرتي يا بنتي ومش معقول لحد دلوقتي بتعتمدي عليا انا واخواتك الرجالة ، انتي ماسة اوبروي ، بنت اومكارا اوبروي وحفيدة شيفاي اوبروي ، عارفة معني كدا ايه ...

ماسة : ايه ...

اومشيف : انك مش بنت عادية ، انتي بيمشي جواكي دم عيلة اوبروي ، العيلة اللي اسسها شيفاي اوبروي واللي زرع في كل واحد من العيلة القوة والجرائة وتحمل المسئولية ، وانا عايزك كدا ...