عشقي ٣ (My Love 3)

الحلقة الثامنة والخمسون

في المشفي

جون : اسمحلي انا اللي اكمل يا روهان ...

ليقترب منهما ويقف مواجها لمايرا ...

جون : صح روهان ما كانش يعرف انك بنته لكن انا كنت عارف ، ولانك بنت صاحب عمري قررت ان حمايتك تكون مسئوليتي ، ولو فاكرة ان محاولة الاغتصاب اللي اتعرضتلها دي كان اول حادثة تتدبرلك تبقي غلطانة ، انتي اتعرضتي لاكتر من حادثة وانا ومجموعتي كنا بننقذك منها قبل ما تحصل ...

اريان : ولما انت ومجموعتك كنتوا دايما بتنقذوعا ، ليه ما انقذتهاش من محاولة الاغتصاب ...

جون : لان الحادثة دي بالذات للاسف ما وصلتناش عنها اي معلومات ...

ليقترب منه ليمسك به من ملابسه وبنبرة كالفحيح ...

اريان : ازاي ما وصلتكمش اي معلومة عن اللي كان عايز يعمله ، ولما انتوا ما كنتوش تعرفوا تقدر تقولي ازاي انقذتوها من الحيوان دا...

ليقترب منه ريهان في محاولة لابعاد اريان عن جون ...

ريهان : سيبه يا اريان ، احنا في مستشفي مش في الشارع ...

اريان : مش هسيبه الا لما يقولي ازاي معلومة مهمة زي دي ما وصلتلوش ، حد يفهمني ازاي ما عرفش المعلومة دي وشايرا كانت بتوصلهم كل حاجة ...

جون : صح شايرا كانت بتبلغنا باللي كان فايز ناوي يعمله اول باول ، لكن دي بالذات ما قدرتش تعرفها ، عارف ليه ، عشان انت لو هديت كدا وفكرت هتعرف ان فايز مش اهبل للدرجة اللي تخليه يقول لشايرا انه قرر يغتصب بنتها ، بقول كلام غلط انا ...

لتقل قوة قبضة اريان من علي ملابس جون ، لتهبط يده بالبطئ مبتعدا عنه ...

جون : فايز كان مخطط لكل حاجة بطريقة ذكية ، كان عارف امتي يضرب ضربته في الوقت اللي يكون ضامن فيه ان مفيش حد هيقدر يمنعه عن اللي هو عايزه ، انت فاكر اننا كنا معتمدين علي شايرا بس في نقل المعلومات ، لا يا بيه ، احنا قدرنا بمساعدة شايرا اننا نزرع كاميرات وميكروفونات في البيت من غير ما فايز يعرف ، ويوم حادثة مايرا ، كانت كل تصرفاته وكلامه غريبة ، اصراره انه يمشي كل اللي في البيت خصوصا شايرا طلب منها انها تخرج والسبب انها تشتري لبس وكل اللي ممكن مايرا تحتاجه في السفر ...

مايرا "مستغربتا" : سفر ، سفر ايه اللي حضرتك بتتكلم عنه ، احنا ما كناش هنسافر ...

جون : ما دا اللي عرفته بعد كدا ، فايز كدب علي والدتك عشان يقنعها تخرج من البيت ، وبعد ما خرجت انا حسيت ان فيه حاجة مش مضبوطة ، طلبت انه يراقبوا كل تحركات فايز عن طريق الكاميرات ، بعدها جاتلي معلومة غريبة وهي دي اللي خلتني اتاكد انه ناوي علي حاجة مش مضبوطة ...