عشقي ٣ (My Love 3)

الحلقة السادسة

سيارة اريان

كان جالسا يتابع بعض الاخبار الخاصة بالعمل علي هاتفه النقال ليرفع عيناه بعد فترة وينظر من نافذة السيارة ليجد نفسه فى طريق مختلف عن طريق القصر ، طريق خالي تماماً من الجنس البشري تحيطه الرمال من كلا الجانبين ...

ادار عينيه وشعر بأن هناك خطب ما ...

اريان "بريبه" : انت جايبنا هنا ليه ، دا مش طريق القصر ...

السائق "بغموض" : عارف يا باشا ، بس في هدية لازم تستلمها بنفسك اول ما توصل ...

اريان "متعجبا" : هدية ، هدية ايه دي ...

السائق : ناس حبايبك طلبوا يشوفوك اول ما توصل ...

اريان "بعد ان استوعب ما قد يكون يحدث" : مين الناس دي ، وازاي يطلبوا ان انا اللي اجيلهم ، ايه ما يعرفوش ان اريان اوبروي ما بيروحش لحد واللي عايزه هواللي يجيله ...

لينتبه الي ان السائق قد اوقف السيارة علي احد الجوانب ...

السائق : اللي حصل بقي يا باشا ، علي العموم احنا وصلنا والبشوات اللي عايزين يشوفوك مستنينك هناك اهم ...

لينظر حيث اشار وابتسم بسخرية ...

اريان : كويس انهم هم اللي واقفين يستنوني ومش انا اللي هستناهم ...

ليشاهد السائق وهو يفتح بابه ويهبط من السيارة ليتجه بعدها الي احدي السيارات الواقفة علي مسافة من سيارته وبداخلها عددا من الرجال ...

اريان "بتركيز" : يا تري مين دول وعايزين ايه مني ، والزفت السواق دا صلته ايه بيهم وراحلهم ليه ، ايه دا ، دا واقف يكلم واحد فيهم ، اكيد دا الريس بتاعهم ، انا احسن حاجة ابعت مسج لعمي روهان وهو يتصرف ، اه ، هبعتله اللوكيشن بتاعي ...

ليمسك بهاتفه النقال ليرسل الي عمه روهان برسالة تحتوي علي موقعه ليرفق بها بضع كلمات ...

اريان : عمي ، تقريبا انا يا هتخطف يا هتحصلي حاجة ،بعتلك اللوكيشن بتاعي وشغلت تسجيل العربية ، ابقي شوفه ...

ليرسل الرسالة الي عمه ، ليعود بنظره ليتابع ما يحدث بين السائق ومحدثه ...

السائق : اظن انا كدا عملت اللي عليا وجيبتلكم الامانة لحد عندكم ...

الرجل : هو فين دا ، انا مش شايف حد هنا غيرك ، ايه مخبيه في جيبك ...

السائق : جيبي ايه ، هوعلبة ، دا راجل طول بعرض ، وهو اهو قاعد في العربية ،ايدك بقي علي المعلوم خليني اختفي قبل ما الدنيا تطربق علي دماغي ...

الرجل "بسخرية" : هي فعلا هتطربق بس مفيش مانع تشبرق نفسك قبل ما تودع ، بس كمل شغلك وروح هاتهولنا هنا ...

السائق : اه طبعا ومالو ، ما كله بتمنه ، والا ايه يا باشا ...

الرجل : اكيد ...