عشقي ٣ (My Love 3)

الحلقة الثامنة والثلاثون

منزل مالك

كان مستلقيا علي سريره تطالع عيناه سقف حجرته كما اعتاد ان يفعل منذ هذا اليوم الذي تم فيه اللقاء بينه وبين شيفاي اوبروي ، هذا اللقاء الذي اراده بقوة واتخذ قراره بشأنه وكل هذا من اجل معشوقته ، تلك الماليكة التي اهلكت قلبه عشقا وحبا ، ليزفر بقوة وهو يتذكر تفاصيل تلك المقابلة وما حدث بها ...

فلاش باك

قصر اوبروي

غرفة المكتب

ما ان انهي المكالمة حتي رفع عيناه ونظر الي تلك الاعين التي كانت تتابعه مستمعا الي ما سيقال خلال تلك المكالمة ...

مالك : اظن بعد المكالمة دي حضرتك اتاكدت من كلامي ...

شيفاي : مش المكالمة اللي خلتني اصدقك ...

مالك "بذهول" : افهم من كدا ان حضرتك كنت مصدق كلامي من الاول ، طب ليه ...

ليصمت ما ان رفع شيفاي يده ...

شيفاي : انا هقولك حاجة حطها حلق في ودانك ، انا مش من النوع اللي بيحب اشرح او افسر اي حاجة بعملها او هعملها ، بس لان انت اول مرة تتعامل معايا فانا هفهمك ...

لينظر اليه في انتظار سماع ما سوف يقوله ...

شيفاي : اكيد انت فاكر الفترة اللي اريان سافر فيها وبعدها رجع لكن اختفي اول ما وصل وبعدها عرفنا انه عمل حادثة واختفي بعدها كام يوم من غير ما حد يعرف عنه حاجة ...

مالك : ايوة طبعا فاكر ، دي كانت فترة صعبة اوي ...

شيفاي : فعلا كانت فترة صعبة علي كل اللي ما كانش يعرف مكان اريان ، لكن بالنسبالي انا ، كنت مطمن علي اريان وعارف مكانه كمان...

مالك "بصدمة" : حضرتك كنت عارف مكان اريان بيه ...

شيفاي : ايوة كنت عارف لان اريان كلمني ، في المكالمة دي انا سألته سؤال واحد بس ...

فلاش باك المكالمة

كان نائما او بالاصح كان يدعي النوم حتي يجعلها تخلد للنوم حتي لا تفكر كثيرا فيما حدث ويحدث مع عائلتها ، كان يطالعها بعيناه وهي نائمة وراسها علي صدره كما اعتادت منذ ان تزوجا عندما انتبه علي ازيز هاتفه ليحمله ويبتعد عنها وما ان نظر الي الرقم حتي تفاجئ بأنه رقما غريبا ، ليتعجب ويجيب ...

شيفاي : الو ...

اريان : جدو ...

شيفاي : اريان ، انت فين ، وايه اللي حصلك ، طمني عليك يا حبيبي ، انت كويس ...

اريان : اطمن يا جدو ، انا بخير ما تقلقش عليا ، هما يومين بالكتير وهتلاقيني قدامك ...