عشقي ٣ (My Love 3)

الحلقة الثانية عشر

قصر اوبروي

غرفة اومكيرا

..... : امي ...

فتحت عيناها بعد ان استمعت الي صوته ، لتجلس مكانها ...

ميرا : اريان ، انت هنا ، جنبي ...

نظرت لتجده يجلس امامها ممسكا بيدها بين يديه ...

اريان : ايوة يا امي ، انا هنا ...

لتنتبه الي انه ليس حقيقة كما تعتقد ...

ميرا : لا يا اريان ، لا يا قلب امك ، انت مش معايا ، انت بعيد وانا هموت من قلقي وخوفي عليك ...

اريان "مقبلا يدها" : انا يمكن مش معاكي بجسمي ، لكن روحي معاكي ، جيت اطمنك عشان عارف انتي هتقلقي عليا ازاي ، اطمني يا امي وطمني قلبك وانا قريب اوي هكون معاكي بشحمي ولحمي ...

ميرا "باكيتا" : عمر قلبي ما هيطمن ويرتاح الا لما يضمك ويحس بنبض قلبك جنبه ...

اريان : عارف اني مهما اقولك مش هتطمني الا لما تضميني لحضنك ، مع اني عارف اللي اومكارا باشا هيعمله لو شافك بتحضنيني ...

ميرا "بابتسامة من بين دموعها" : ولا يهمك منه ، انت ابني ، حتة من قلبي ، واول ما اشوفك هاخدك في حضني ولو اعترض هنيمه في الجنينة ...

اريان "ضاحكا" : لا لا ، كله الا الجنينة ، وبعدين انا عارفك مش هتستحملي انه ينام بعيد عنك ، شوفي عقاب تاني غير دا عشان مش هينفع خالص ...

ميرا : هبقي افكرله في عقاب ينفع معاه ، المهم سيبك انت من ابوك وغيرته المجنونة وقولي ، انت عامل ايه ، كويس ، بتاكل كويس ، بتنام مرتاح ...

اريان "في سره" : اقولك ايه يا امي ، اقولك اني قاعد مع واحدة مجنونة ، مفيش عندها اكل ينفع للبني ادمين والا اقولك ان ابنك اللي كان بينام علي سرير ولا سرير الملوك ، نايم علي كنبة ماحدش ينفع ينام عليها اصلا ، اقولك ايه ، انا اتبهدلت علي اخر الزمن يا امي ...

ميرا : اريان ، انت روحت فين ...

لينتبه اليها ...

اريان : معاكي يا امي ، انا كويس ، باكل كويس وبنام مرتاح ، ما تقلقيش انتي بس وكلها يوم بالكتير وهتلاقيني قصادك ...

ميرا : بجد يا اريان ...

اريان : بجد يا ميرت قلب اريان ...

ميرا "ضاحكتا" : ما سمعكش اومكارا ، كان عملها حكاية ...

اريان : الحمد لله ، بس هو فين صحيح ...

ميرا : ما هو نايم ...

لتصمت ما ان التفتت لتجد مكانه خالي بجوارها ...

ميرا : راح فين دا بقي ...

اريان "وهو يهز اكتافه لاعلي" : مش عارف ، قومي انتي شوفيه فين وانا همشي بقي ...