عشقي ٣ (My Love 3)

الحلقة الثانية والخمسون

فندق اوبروي

غرفة انيشكا

منذ او وطئت قدمها تلك المدينة ومن اللحظة التي اغلقت فيها باب غرفتها عليها وهي تجلس في غرفتها تتذكر ما حدث بينهما منذ ان اعلن جدها زوجهما ...

فلاش باك

كانت تجلس في غرفتها تطالع الفراغ امامها عندما انتبهت الي تواجده في منتصف الغرفة ، انتفضت من مكانها واقتربت منه ...

انيشكا "بحدة" : دا ايه البجاحة دي ، انت ازاي يا بني ادم انت تدخل اوضتي من غير اذني ...

ارجيت "بهدوء" : واستأذنك ليه وانتي سايبة الباب مفتوح ...

لتضع يدها في خصرها ...

انيشكا : وهو عشان سيبت الباب مفتوح تقوم تدخل من غير احم ولا دستور ، وبعدين انت عارف كويس ان دي اوضتي ...

ليمرر اصابعه بين خصلات شعره ...

ارجيت : لا ما كنتش اعرف انها اوضتك ...

انيشكا : يا سلام علي الكدب ، والمفروض ان انا اصدقك مش كدا ...

ليلوي شفتيه يمينا ويسارا ...

ارجيت : والله تبقي دي حاجة ترجعلك ، انا قولتلك ما كنتش اعرف ان الاوضة دي تخصك وكمان انا ما بركزش في الحاجات دي ...

رفعت حاجبها بحنق وامسكت بذراعه وبدأت في دفعه الي خارج الغرفة وهي تصرخ به ...

انيشكا : طب اتفضل بقي اطلع برا ، يلا هوينا ...

ارجيت : طيب خلاص خلاص هطلع بس ...

ليصمت ما ان لفت نظره تلك الملابس الموضوعة علي السرير ...

انتبهت الي نظرته ...

انيشكا : انت بتبص علي ايه ...

لتنظر الي ما ينظر له ، لتشهق وهي تركض الي السرير بسرعة لتمسك بملابسها وتخفيها خلف ظهرها ...

انيشكا : ايه قلة الادب دي ، انت ازاي تبص علي ، علي ...

ارجيت : ايه بتقطعي ليه ، البنزين بتاعك خلص والا ...

انيشكا "مهاجمتا اياه" : اطلع برا يا ارجيت قبل ما افقد اعصابي عليك ...

زفر بنفاذ صبر ، فها هي تعود الي لسانها السليط مرة اخري ...

ارجيت : يا ريت تمسكي لسانك دا شوية عشان انا مش ضامن هقدر اتحكم في نفسي قد ايه وكمان انتي اللي غلطانه ...

انيشكا : انا ...

ارجيت : اه انتي ، انتي اللي مطلعة هدومك ورمياهم علي السرير مش انا ...

انيشكا : اه انا طلعتهم لكن دا ما يدلكش الحق انك تبص عليهم ...

ارجيت : ههههههههه ، ابصلهم علي ايه ، من جمالهم اوي ، دا انتي حتي والا بلاش ...