عشقي ٣ (My Love 3)

الحلقة الحادية والستون ( الجزء الثاني من الحلقة الاخيرة)

مشفي اوبروي

غرفة لارا
نائف : جميلتنا اللي وقعت قلوبنا ، حمدالله علي السلامة ...

لارا "باسمتا" : الحمد لله يا اونكل ...

نائف : تمام ، انتي مش متخيلة العيلة مستنية تشوفك ازاي ...

لارا : وانا كمان نفسي اشوفهم ، هم فين دخلهم بسرعة ...

ادهم : ايه هو دا ، لا طبعا ، هم مش هيدخلوا دلوقت انا لسة ما شبعتش منك ...

نائف : وهم اهلها وعايزين يطمنوا عليها كمان ...

ادهم "وهو يجز علي اسنانه" : وهي قالتلك انها كويسة ومتشكرين علي اللي عملته ، يلا اتفضل بقي من غير مطرود ، متشكرين اوي علي خدماتك وبالنسبة للي واقفين برا قولهم بس يخلص ادهم قعدته هيطلع يناديكم بنفسه ...

لينهض من مكانه ويدفعه حتي اخرجه من الغرفة مغلقا الباب خلفه ...

وما ان اغلق الباب والتفت اليها حتي وجدها تضحك ...

ادهم : بتضحكي ...

لارا : يعني ينفع اللي عملته دا ، انت يعتبر طردته ...

ادهم : يستاهل ، مش هو اللي داخل يعاكسك ولا عاملي اي اعتبار ...

لارا : ايه دا ، انت بتغير عليا ...

ادهم : طبعا لازم اغير طول ما انتي حلوة كدا لازم اغير واولع من الغيرة كمان ...

لارا : ودا من ايه ان شاء الله ...

ادهم : من حبي ليكي ...

لارا "ضاحكتا" : ايه دا يا ادهم ، انت عيان والا ايه ...

ادهم " وهو يمسك بيديها" : لو اللي انا فيه دا بتسميه مرض فأه انا مريض بحبك ، لا انا مش بس بحبك لا انا بعشقك يا بنت ناكول ...

لارا : وبنت ناكول بتحبك من اول ما فهمت يعني ايه حب ...

لتصيبه حالة من الجنون والدهشة والسعادة ، مجموعة من الاحاسيس المختلطة والممتعة في نفس الوقت ، ولكن ما كان مؤكدا له هو عدم تصديقه لما سمعته اذناه هذا غير كتلة الافكار التي هاجمته ...

عقله : معقول اللي سمعته دا ، معني كدا انه مش انا بس اللي حبتها ولا انا بس اللي عشقها ، معني كدا ان انا مش فارض نفسي عليها ، معقول انا حبيبها بجد ، معقول الحلم اللي حلمت بيه اخيرا اتحقق ...

لينظر اليها بنظرات تمتلئ بالحب والعشق الكبير لها هي فقط ليضمها الي حضنه في لحظة جنون لتكمل شفتاه هذا الجنون عندما اخذت شفتاها التي اسمعته اجمل الكلمات الي قلبه في قبلة يبث فيها حبه وشوقه وجنونه بها واليها ، اجل فاخر كلماتها هي اكثر الكلمات التي يعشقها وتمني كثيرا ان يسمعها منها منذ ان دق قلبه لها ...