عشقي ٣ (My Love 3)

الحلقة الحادية والعشرون

شركة اريان

مكتب اريان

ما ان عاد الي مكتبه وجلس عليه ...

ريهان : اللي سمعته دا بجد ، سيجال هي اللي كانت برا ...

اريان "متنهدا" : ايوة ، تخيل بعد السنين دي كلها رجعت ظهرت في حياتي تاني ...

مازن : انا اسف بس تطلع مين سيجال دي ..

ريهان : سيجال دي حكاية طويلة بس انا ممكن اختصرهالك في تلات كلمات ، الحبيبة السابقة لاريان ...

لينظر اليه بصدمة ولكنه خرج منها بسرعة عندما انتبه ثلاثتهم لاندفاع مايرا وهي تدلف الي داخل المكتب ...

ليبتسم اريان ابتسامة سريعة قبل ان يعود الي وجهه الصارم ...

اريان : فيه حاجة يا مايرا ...

مايرا "بتوتر من غبائها" : ها ، لا ، مفيش ...

ريهان "وهويكتم ضحكته" : مفيش ، اومال حضرتك داخلةعلينا زي الاكسبريس كدا ليه ...

مايرا "بارتباك" : اصل ، اصل ...

اريان : اصل ايه ، ما تنطقي ...

مايرا : اه ، انت ناديتلي وعشان كدا دخلت بسرعة ...

اريان "عاقدا حاجبيه" : انا ناديتلك ، دا امتي دا ...

مايرا : لسة من شوية ...

اريان : لا ما حصلش ، انتي الظاهر عليكي بيتهيألك حاجات ما بتحصلش ...

مايرا "بتوتر" : تصدق ممكن برضو ، معلش بقي السن بيحكم ، يلا هتكل انا وانتوا كملوا اللي كنتوا بتعملوه ، سلاموا عليكم ...

لتتركهم وترحل ، لينفجر ثلاثتهم ضحكا ...

اريان "ضاحكا" : وربنا كنت عارف انها مش هتسكت الا لما تعرف مين اللي كانت بتتخانق معاها ...

مازن "ضاحكا" : فعلا ، هي شكلها كانت داخلة عشان كدا بس وجودنا احرجها ...

ريهان : بس عارف يا اريان ، انا من رائي بعد اللي حصل دا واللي اكيد سيجال اللي انا وانت عارفنها كويس مش هتسكت عليه وخصوصا مايرا لانها هزقتها جامد ...

اريان : دا لولا اني فتحت الباب في الوقت المناسب ، كان زمان مايرا جيباها من شعرها ...

مازن : مع ان اللي يشوف مايرا ما يفكرهاش شرسة بالشكل دا ...

ريهان : اه فعلا ، ملامحها بريئة ووشها بيبي فيس ...

اريان "وهو يجز علي اسنانه" : دا انا اللي هعمل من وشوشكم كفتة لو ما خفيتوش من قدامي وروحتوا شوفتوا وراكم ايه ...

لينتفضا من مكانها ويركضا خارج المكتب ...

اريان : قال بيبي فيس قال ، بيبي لما يبقي يلهفكم ...