عشقي ٣ (My Love 3)

الحلقة التاسعة

قصر اوبروي

غرفة الصالون

اوم : بس السؤال اللي عايزين نعرف اجابته ، ازاي عرف كل المعلومات دي ...

ادهم : اجابة السؤال دا الوحيد اللي ممكن يقولهالنا هو ريهان ...

لينظر الجميع الي ريهان وعلامات الاندهاش تملئ وجوههم ...

نظر اليهم ونهض من مكانه ...

ريهان : تاني ، هتبصولي بنظرات الاتهام دي تاني ...

انيكا : اهدئ يا ريهان ، ما حدش قصده يتهمك بحاجة يا حبيبي ...

ريهان "بعصبية" : لا يا طنط ، حضرتك مش شايفه بيبصولي ازاي ، امبارح سيادة اللواء اومكارا اتهمني اني قتلت ابنه وكان هيموتني لولا ادهم لحقه وعرفه اللي بتوع المعمل الجنائي وصلوله كان زماني مدفون تحت الارض دلوقتي والنهاردة طلعولي بحكاية جديدة ، ايه مفيش غيري هنا تتهموه بانه اللي وراء اللي حصل لاريان ...

شيفاني : علي فكرة عصبيتك دي ملهاش لزمة ، هم كانوا بيتكلموا عادي انت اللي اتحمقت من غير داعي والا انت بتعمل زي اللي علي راسه بطحه ...

نظر اليها بغيظ ...

ريهان : وانا هيبقي علي راسي بطحه ليه ، انا ما عملتش حاجة عشان اخاف منها ...

شيفاني : يبقي تشوف هم عايزين يسألوك في ايه ورد عليهم بدل ما انت واقف كدا زي الديك اللي نافش ريشه ...

وعلي الرغم من شدة الموقف الا ان تعليقها جعل الجميع ينفجر ضحكا ...

ريهان "بغيظ" : انا ديك نافش ريشه ، "لينظر الي شيفان" ، انت واقف تضحك بدل ما تسكتها ...

شيفان "بضحك" : وانا مالي يا خويا ، هي بتكلمك انت مش انا ، سكتها انت لو تقدر ...

ريهان : انت يا جدع انت مش اخوها ...

ليقترب منه ويضع يده علي كتف ريهان ...

شيفان : بص يا ريهو يا حبيبي ، انا اخوها اه بحكم انها تؤامي واننا لينا نفس الاب والام ، لكن فيه حاجة انا ما ينفعش ادخل فيها ، ليه ، عشان انا لو ادخلت يبقي هقف قصاد القطار ، واللي يقف قصاد القطار يحصله ايه يا حبيبي ، يلوشه ...

ريهان "باستغراب" : ايه اللي انت بتقوله دا ، قطار ايه ويلوش ايه ، عارف انا غلطان واستاهل الضرب ، امشي ياض انت ، غور من هنا ...

ادهم : ريهان لوسمحت اهدئ ، احنا مش بنتهمك بحاجة ، احنا بس عايزين نعرف منك بحكم انك بتحل محل اريان في الشركة ، ازاي ما عرفتش ميعاد وصوله ...

ريهان "متنهدا" : هو انا فعلا بحل محله وقت غيابه ، ولما بيكون موجود ، انا بكون مسئول عن حاجات في الشغل غير اللي هو مسئول عنها ...