⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️
❌القصة ممنوعة من النشر او الاقتباس
...
🌙حسناء القايد🌙 👑oumaima mega 👑 ⚡191⚡ غير سمعت سلطانة هاد الكلااام هزت الحاجب و طرطقت العينييين في حسناااء ...لي غدوات عليها عرشية هبطت عويناتها بالحشمة و تبسيمة مخبعة وسط شفايفها ...أما سيدهم القايد فهز فيها غاشوفة و معلي فوقها حاجب هادشي جديد على ودانو حيت عمر وحدة من نساه لي دازو ما طيبت و لا عتبت الكوزينة سلطانة نطقت معلية الصووووت : وااا من عندمن خديتيييي لمشاااااورة ؟ و علاااه تااااحد ماخبرني؟ حسناء هزت فيها عويناتها و هجرت تبسيمة في شفايفها كيبان ليها قفرتها بدات مسكينة غتفرك في يدياتها من صبحية و هي من مصيبة لمصيبة و بدات تكلم و نهجها غالب عليها و ليني صوتها كيف النغمة في المكان: غي ا لالة قلت مع راساتي منين جيت لهاد الدار محطيت يدي في ماعوون ولا في شقااا و معندي مايتعمل في نهاريي غير جالسة في جناحي و طالقة رجلية قلت علاش مانوضش و نعمل للغدا لسيدي القايد ...و عينيها غير في سلطانة لي ولات كلها تنفخ و تتتفش ...و حسناء رجعت حدرت العين و خاطرها مسكينة مكسووورة و بدات تفرك في يدياتها و سخونية طالعة معاها اش داك ياحسناء تعملي هاد العملة ..سيد القايد كان على نفس الحالة تيشوف فيها ممعروفش اش في تخمامووو سلطانة نزلت عينيها كتقلب على السبة حيت الدخلة تاعها لكوزينة حرقتها و هي تهز تاني فيها الشووفة : و اش هادشي كولووو عاملاه و طيافر كثاااار حسناء رجعت هازا فيها شوفة و غير تتفرك في ديك اليديات عندها : عملت من كل حاجة شوية حيت معرفتش اش تيحب سيدي القايد و اش تتشهى نفسو ...فخر الدين غير عينو عليها كيف النسر و هي باركة تتكلم عليه و على اش تيحب و أش لااا ....بحرااا غتنوض تهز سلطانة باش تلقا ليها السبة فين تعيرها و تسبهااا ...تا هز سيد القايد يد وحدة بلاما ينطق و لا يدور عندها ...غير يدوو معناها صافي هنا تقادا الكلام و الهدرة ...تاسلطانة معودتش من وراه الكلام ...واخا راه الهدرة واحلة ليها في حلقها و كتحرقها في قلبها ...أما حسناء فوطاات راسها و بدات تلوم في نفسها اش داها تعمل الحاجة بلاما تشاور تنطق سيد القايد مفيقها من تخمامها خلاها ترفع العين فيه فخر الدين وجه كلامو العبيد لي قبالتو : عريييو على هادشي ...العبدات هزو العين في عرشية لي عطاتهم شارة غير بعينها باش يخدمو سيدها ....و تمااا غاديات وحدة من ورا وحدة ...لي كانت هازا شي طيفور وقفت قبالتووو و هزت لييه قبووو إيوااا تماااا لي عندو شي فم راه حلووو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
