🌙حسناء القايد🌙
👑oumaima mega 👑
⚡140⚡
حسناء هزت فيه الشوفة تناخد في يدو جاتها وجيبة تهرب منو : غ غ غنقول لدادا عرشية توجدو ليك ...و دارت بغات ترحل من يدو و ليني شدها من دراعها و رجعها دايرة لعندو بشراوطها ...و جسدتها مخشية في جسدتو ... و حط يدو بجوج على تحزيمة خصرها ...حسناء غا مطرطقة لعين و سخانة طالعاها
فخر الدين و شوفتو غي في شفايفها : مكين لاش ؟ حيت الرمان لي بغيت انا كاين هنا ؟ ...زادت جبدت العيون و طلعت الحجبان ...و شافتو حتا حاضي فمها ...و تتحس بيدو تتهزها بشوي على لرض ...تا وقفت على صبعان رجليها باش تناسب طولو ...و ميل راسو ...و جا مهبطو لعندها ...قاومت المسكينة و تناخدت في يدو ...و ليني ريحتو دوختها ...خلاتها بلا هواها تغمض عيونها ...و ترفع شفايفها ... هادا حدها ... و هي غا ولية بين يدين السلطان ...حست بيه حتى حط فمو فوق شفايفها و تبورشت في يدو من رجليها لراسها ...و فخر الدين حتى هو داق بنة رمانها ...و مكفاتوش غير الحطة دالفم ...فتح شفايفو شوية و فتح معاهم شفايفها ...و بدا تيمص ليها في الشنفة لفوقنية ...و يرجع يجمعها مع السفلانية ...و تيجرهم لعندو بجوج ...حسناء في ديك الساعة معرفتش حتى شنو واقع ليها و لا شنو تيعمل فيها ...بحرا مغمضة عينها و ترعد في يدو ...تاكيفشلو ليها ركابيها ...و معليا رجليها وسط رجلو ...و هو تيميل يمين و شمال و تيجمع ليها فمها كولو و تيرجع يطلق منو و ينفارد بكل وحيدة بوحدها...تا قفزت ليه في يدو عرف بلي راه قطع النفس فيها ...و حيد عليها مغمض عينو تيفتحها بشوية ...حلاوت الرمان باقا في لسانو لي عمرو داق فحالو ...فتح عينو على وجهها كيف القمرة الضاوية ...مغمضة عينها و ترجف بشرافنها و تنهج ... جاه العجب المعجب و تعلات شفايفو تبسيمة البشارة هادي المرة لولة لي تستسلم ليه و تنسا راسها بين يديه .... رجعت حلت فيه الشوفة دعينها ...و شفايفها ينغلو عليها ... و ترعد و ترجف و السخانة طالعة معاها ... و بلا هدرة بلا كلام عيون فخر الدين ...تيتغزلو فيها و رجع بتبسيمتو غايعاود ليها البوسة ...و هي تشهق و دارت بزربة غادا هربانة ....و هو يشد ليها من معصم يدها
فخر الدين عقد الغوباشة وهو مزنكر على معصم يديها ونطق بنهضة وصوتو يزعزع القلوب من مكانها : حسنااااء
حسناء عاطياه بضهرها و حاطة يد على قلبها لي تيتجالب و من عويناتها باين معرفت اش واقع فيها : خليني اسيد القايد نمشيي خلينييي عافاااك
فخر الدين مفهم شنو جرا ليها و طلق منها كيف بغات حبت ...و مشات قبالت عينوو تجري برجلها عرجة ...هو بقا في مكانو معلي غوباشتو
حسناء شدتها جرية وحدة هازا جلايلها و طلعت في الدروج ...تجري هربانة توصلت لجناحها و دفعت بيبانو بيدها بجوج ...دخلت و سدت الدفة و مشات حدا سريرها ...نزلت على ركابيها في لرض ...تترعد و تقفقف اشنو تيوقع فيها قلبها في كاشوشها ثاار عليها ... كلها تتناخد و هي تجلس في لرض و تجمعت على راسها ...و باقا بوستو تتحرقها في شنايفها ... مبغاتش تحس هاكدا من جيهتو ...مبغاتش قلبها يرجف بين يدو ... وعقلها يترفع بين سحاب قبالتو ...وعينها تحفظ صورتو و تبقا تترسمو غير هو ...بدات تطيح دموعها على خدها
أنت تقرأ
حسناء القايد (قصة رمضانية في طور الكتابة )
Romance⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️ ❌القصة ممنوعة من النشر او الاقتباس ...
