🌙حسناء القايد🌙
👑oumaima mega 👑
⚡8⚡
رجعت تاني جمعت دوك السوانت في رزامي و خباتهم في عبونها (صدرها ) و تنهدت : مصاب يدق شي عريس باب وحدة فيكم و نعرسكم السوق عند باكم غادا وتنشف الفرنسيس مخلاو مادارو تامن حرفتو داروها ...تنهدو كامليين و حدرو ريوسهم ...الا حسناء لي باقا الطل كتحس براسها هي لي جايبة العز كون عولت على باها كون راه باقا تغسل في ماعن على قلبها
هنية تنهدت : اجيو ابناتي نسوقكم خبار الخير سيد القايد فخر الدين راه تاني الطلق من بعد تسع شهر (تقادو نصهم في الجلسة ) ...كلهم شهقو
صفية : عاوتاني طلق
هنية : اييه طلق و لعالم ربي شكوون غيختار تاني من الداار الكبييرة
قاسمية : مصاااب ا ميمتي كون كنت تانا من الدار الكبيرة
هنية تنهدت : تانا مكرهتش لبنيتاتي المقام العالي و تكونو من عيالات القايد دابا انا طالبة غا صباغ و لا نجار لبنياتي باركة عليااا ....كلهم تنهدو كيتأسفوو على حالهم شكون مكرهتش تختار و تولي مرت القايد فخر الدين يعلى شانها و يطلع ...كلهم ساريات يحلموو الا الضفر الصغير تاع لالة هنية ...جالسة قرمت حجبانها : الله ينجيي لياا خواتاتي من وحد فحال هادا يتزوج و يطلق في العيالات فحال السلعة تيشري فيهم و يرجع يرميهم
لبانة : هدري على راسك اختي انا مكرهتش
هنية هبطت عليها حنك : تي سكتيي راه لحيوط ليها ودنين
حسناء هزت كتافها : و مالني كدبت القايد لي كيدير الخير في الناس العالم بالله شنو داير في دارو تكيطلق العيالات
هنية : راه همااا لي شوفيي شنو عاملات باش طلقهم علاه كاين لي يهرب من دار العرس
حسناء تتجابه معاها : هادييك دار العرس اميي ؟ .....و هي تسيفط ليهاا هنية بلغتها غاطاكت بيدها اما كانت غاتجيها لكمارة : تيي سكتيي فين شيفاها باش تدوي كرهتي ليماك تكوني بلاصتهم ...حسناء طل عليها بعينيها واش معندها هي كلام زعمة لي تقولو صافي غير عاجبهم هادا فخر الدين تاهيا خاصو يعجبها ...هنية بقات تشوف فيها عصبتها : نوضي حيديي من قداميي نوضييي نوضييي لا نزدق مفوتة فيك شي خبطة نوضي ....حسناء معودتش معاها الهدرة ناضت بنغييز من خوتاتها ...و خايفة لا تخرج من لبيت و تجبدها معاها بشي ضربة ...حيت مكينش في المراركة لي كيعير القايد فخر الدين و لا تيجبدو بالعاااطل ...هاداك راه القداسة في عهد المقاومة ...هادي لي تتشير في فمها
〰️〰️〰️〰️〰️〰️〰️〰️〰️دابا نمشيو ....لوسط المدينة نييت و ليني في بلاصة عازلينها الشجر ... و عاالية بعييدة على السكان ....بعد السما مع لرض كانت فحال شي غابة ديرا على وحد القصر صورووو عااالييي على حد الشوووف و باب بالدهبييي كبييير و واسع و مزخرف ...و ديرين بيه رجال....و فيها فحال العسكر المغرابيي من جيش التحرير ...هازين البنادق و البارود و تيدورو تمااا بكلابهم و الرزة فوق راسهم و عينيهم كي نسورة البق مايزهق ....الدبانة كيسمعوها تتزنزن ....داخل هاد القصر كانت جردة واسعة عريضة فيها لي تشهات النفس من ورد من ديسير ....كيف الجنة و العبيد تيسقيو فيها و يقادوها ....عاد كاين قلب القصر ...الدار الكبيييرة العالية تاع سيد القايد فخر الدين
أنت تقرأ
حسناء القايد (قصة رمضانية في طور الكتابة )
Любовные романы⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️ ❌القصة ممنوعة من النشر او الاقتباس ...
