🌙حسناء القايد🌙
👑oumaima mega 👑
⚡20⚡
اسماعيل هبط يدو و مكرهش يقج ولدو على كلامو ...و عبد الصمد مزيرة عليه موو ثرية شاداه خايفة عليه ...و هو تايخنزر في السي القايد متيحملوش حقدو ليه عاميه ...و محملش راسو فاش دافع عليه ...مهما حاول يطلع كيبقا فخر الدين هو لي منو لسما
فخر الدين رجع يدو من وراه و رجع عينو ليهم كيأمر ماشي تيتكلم : يلاه دابا فرتكووو علينا هاد الجقلة تا يصبح و يفتح و تكون الهدرة ... ماتعاود من وراه الا الصلاة على النبي طبعو شديد و قاسي و مكينش لي رد من وراه الكلام و معندو لا مع ملاغة لا مع مزاح ...دار بشوية متبث غادي راجع لبيتو و طالع في دروجو ...شروق هزت فيه لعين غا من لتحت تسرق الشوفة ...و لالة سلطانة جرات اسماعيل دخلو لصالون تبردو ...و بقات غا ثرية جرات ولدها تديه تركدو و تغطيه تايطيب نعاسو و جرات معاها حميماتها غادا بيهم
〰️〰️〰️〰️〰️〰️〰️〰️في دار الحداد ... دارو زاهية و داير فيها الفرح اليوم عندو عييد و ماشي اي عيد ...قال قال سيد القايد خطب بنتو ...جالس في البيت الصغير ...و معنق حسناء ملبطهاا لييه و يقول عندو غا حسناء ...لي جالسة تحت باطو مهبطة الراس كي الجماد ...فاقت و عاقت و صرفقتها الدنيا و تيقنت ...بلي سيد القايد دوا فيها هياا ...دموع من تحت العين مكيحبسوش كيف الشلال ...و غا تتشوف في الطبلة ...مادوي ما تكلم ..في زمانهم المرا تتسكت ماتقول ايه ما تقول لا ... باها عطا الكلمة و من وراها تسدت الدنيا ...ما كينة شطارة من وراه ... علاش من دون خواتتها غا هيا لي تختارت و تشير ليها الصبع واخا قبل منها ستة ...قلبها منبوز ...معلق مع وحد خر حلمت معاه و تغازلت معاه ... تمن الولاد تخايلتهم يشبهو ليه ... خواتتها كلهم ساكتات عارفين ختهم معلقة مع واحد ...اما وحد القاسمية فا بقات غا تشقا و طيب على قلبها ...تاحطت ليهم كصعة درا مفورة مافوقها لحم مافوقها خضرة ...و بداو كياكلوو ... هم القاسمية هم اخر هي لي باغا تزوج حيت غيشيب راسها و مزال جالسة هنا ... شنو هاد الزهر المكوز لي عندها نقزوها و مشاو لعند ختها الصغيرة لي مدبرا على رزقها و ماشي اي زواج ..
راه بسيد القايد لي مكينش لمرا لي متحلمش دير الحنة على ودو ...كمدتها في قلبها تاكل و تلكم ...اما حسناء غير حاطة يديها ... و مصيبتها معندها حل ... الحداد يدوي و يتبسم و ياكل و يدور يشوف في بنتو الصغيرة ...و يدور عند بناتو لخرين يدعي ليهم بصبر و غيتفتح عليهم الرزق و قرييب ....حتى وصل ليل و كلشي تنشر في لرض ....و حسناء ناعسة بين خواتتها و مفزكة وسادتها بدموعها صوت لي عندها هو تاع البكا ...تبكي و تنحط و تندب على يامها ... و خواتتها غايسمعو في بكاها و مقادين يديرو والو ...و القاسمية ديرا الحيط و مغمضة عينيها و الغسة لي في قلبها و تبكي على زهرها ...هادا حالها كانت ناوية تزوج و تغبر هي لولة زدقت غاتحني يد ختها قبل ما يحنو ليها يديها و بحنة سيد القايد
🌙حسناء القايد🌙
👑oumaima mega 👑
⚡21⚡
أنت تقرأ
حسناء القايد (قصة رمضانية في طور الكتابة )
Romance⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️ ❌القصة ممنوعة من النشر او الاقتباس ...
