حسناء القايد (قصة رمضانية في طور الكتابة )

33

🌙حسناء القايد🌙
👑oumaima mega 👑
⚡107⚡

سيد القايد طالع في الدروج و راكباه الصعرة ... عينو حومر خرج منهم عروقة تاع الدم ... و عاصر على كبضة (قبضة ) يدوو تاطرطقو منها العروقة ....و خطاوييه ثقال و كيتسمعو في داك الدرووج ... و غوباشتو مربوطة غايتفركع و يطرطق ...شافية كانت واقفة في فم الباب تاع الدروج باركة تفرك في يدها ....تاسمعت خطاوي مجهديين ... زعزعو ليها قلبها و خلاوه يترعد ... دارت بشوية من وراها تشوف شكون وليني متوقعتش شكون مولاها ....وسعت لعين و الكلام وقف ليها في حلقها ...و دارت بزربة و طلقت رجليها لريح عند لالها حسناء لي كانت جالسة خير و سلام تضحك و تلعب مع البنيتة و الطاووس تاوقفت عليها
حسناء : لالة لالة لالة سيديي طالع لهنااا
حسناء رفعت راسها و قلبها منعرف اش جرا لوو تاولا يضرب خوفاان من هاد سيدهم ...حيدت الطاووس و ناضت دغيا وقفت على رجلها ...ووقفت معاها حتى فاطمة الزهراء ...مسكينة ما فاهمة في هاد الدنيا والوو ....حسناء عصرت جلايلها ... شنو باغي عندها هاد سيدهم القايد تاني علاش جاي يفتش عليها ...يمكن على ود الصبية لي هزتها و غبرتها عندها ....ياو طلع سيد القايد لداك السطح ...و حاجب ينطح لاخر وقف و يدو من وراه ...يدور عينو ينبش عليها ...تا بانت ليه واقفة في الجليسة و شعرها و جلايلها مطيرهم البرد و شادة البنية عندها ...و شافية حداها حادرة راسها ....وجه ليها المشية ووجهو مكيبشرش ببشارة زينة ...و بارك و يسوط و نهجوو عاليي ...حسناء خلعها ..خبات البنيتة من وراها .... تاوقف قبالتها و غطا عليها بجسدتوو

حسناء غامجبدة دوك العينين بحرا غا تنطق و تسول : ششششنوو ...مكملتش الكلام حتى جمع يدو جمعة وحدة و عطااها لحنك على جهدووو ....تتلاحت قبالتو فوق المخاد و صوت الطرشة تسمع في السطح كولووو على وسعووو ....شافية تلبكت في مكانها و خافت لا تكون نوبتها لي جاية ...و فاطمة الزهرة رجعت بلور خوفانة و بدااات تغبن و هي تشوف في باها ...لي عروقو شاعليين و عينيه باينين ...هو تيشوف في حسناء لي طاحت عند رجلو طيحة وحدة ...و كيسوط بفمو ...حسناء معرفت باش تبلات حاشا و تكون هادي يد لي صرفقها بيها في ساعها خدها تنفخ و حماار و البكية تعصرت في عينيها

فخر الدين يلاه غينطق و يتكلم تاسمع صوت تغبان و البكا الساكت تاع بنتو الصغيرة ... حول غير عينو بانت ليها خوفانة تترعد و رجع عينو في شافية كيهدر و مزنكر على سنييه : دييي فاطمة الزهراء لموضعهااااا ....شافية معودتش من وراه الكلام في ساعها هزت فاطمة الزهراء و مشات تجارا غادا نازلة ...و بقات حسناء هزت عينها بين شعرها تبكي و تغبن و تشوف كلشي غيمشي و غيخلوها هي مع جلادها ...هزت عينها فيه و الدمع كيف الشلال على خدودها

فخر الدين مكمش جبهتو و عينو عليها قاسية حارة : تهزيي من مقامك (وعلااا صوتووو عليهاا ) تهزيييييييي ....قفزت من مكانها و ناضت بشويش عليها تجمع جلايلها و شهقة كتوالى شهقة ..و ناضت قبالتو ...فخر دين شد معصم يدها بين يدو و زير عليه فحالا غيكردوو : انا غنوري ليماك هاد البسالة لي تتعملي فين غتوصلك ....و جرهااا جرة قاسية ...غادي بيها لدرج ينزلها باش يكمل على شنو بداه ....و حسناء غادا مجرورة و تلوا و تبكي : هيء هيء بعد عليا هيء هيء ...هو ينفض ليها يدها من وراه تاكانت غاتطيح و تجيب لرض ...و دار عندها و غوباشتو معقودة كتبان فيه كيف شي بركان علاين يتفجر دابا ...مجات فين تشد راسها و توقف من ديك الدوخة تاع الطرشة ...هو يجمعها جمعة وحدة بين يدو ...و خشا صبعانو في كتافها ...و زير عليها كيتنفخ و يتفش ...و هي في يدو الدموع و الخوف الخوف الخوف راكب فيها و باين من عينيها🌙حسناء القايد🌙
👑oumaima mega 👑
⚡108⚡