🌙حسناء القايد🌙
👑oumaima mega 👑
⚡197⚡
وقف عليها سيد القايد قلدة و هما و شان و معاه سي اسماعيل و سي مصطفى في جنابو ....القاسمية غا سمعت صوتو دارت تجارا بحايكها مدلي على كتافها و سالفها عرريان و مخرجة عينيها المكحلين في سيد القايد و عوانو و طلقت الكلام بلا هواها : ا سيديي ربييي .... مصطفى كمش وجهو مع دورتها و هو تيشوف في عويناتها لي موحال ينساهم من نهار تفتن بيهم و دابا كملت صورتها قبالتو ...الحاصول بنات عبد سلام من الكبيرة تال صغيرة مكين لا فحال زينهم لا فحال ترابيهم ...بقات عينو عليها سارحة
سيد القايد تيشوف فيها و معرفها شكون حيت عمرو مشاف بنات سي عبد السلام الحاجبات باش يعرفهم حتى وقفت هي قبالتو و ترعد وتفتف و عاد عاقت بسالفها عريان هزت الحايك فيساع و حطاتو فوق راسها و غطات النص في وجهها و مالت جنب ...و حدرت راسها و قلبها غيخرج من مكانو بالخوف و الخلعة
القاسمية حادرة الراس والعين وترعد غا وحدها : س س سمحلي ا سيد القايد الله يرحم ليك الولدين ...لمح سيد القايد و دور عينو غا جنب و غوباشتو معقودة السواق لي واقف و عرفها خت حسناء القاسمية حيت علماتو بلي غتجي للقصر هاد العشية حرك غير راسو قبل ما يدير يديه من وراه وينطق : موقع والو ماكين باس
القاسمية مكتهزش العين في الرجال تتشوف غا في السبابط و بدات تدوي و تبرر عمايلها و غواتها و صوت البكية غالب على حلقها : س سيدي غ غي كنت ماشية فحالي و مي قالت ليا مترجعي تتكون لقسرية في يديك و ليني لقسرية زلقت ليا من يديا ومعرفت منعمل
سيد القايد نزل عينو كيف النسر جيهة لقصرية لي ولات شضية ديال الطين و هز براسو بالثقالة شاف بنص عين سي اسماعيل باش يمشي معاها للسوق يشري ليها وحدة و ليني كان عندو بيه غراض ...و بنص دورة تكلم مع مصطفى : مصطفى (مجوبووش هو يزيد يعقد فخر الدين الحاجب و دار عندو لقا سي مصطفى ولد الدار الكبيرة و الشان العالي عينو سارحة في جيهتها ميدوي ميتكلم هو يرفع سيد القايد صوتو لي كيف السبع ) مصطفىى ...قفزت القاسمية من مكانها ...و مصطفى دور عندو راسو بالهداوة : نعام ا سيد القايد
سيد القايد : دي القاسمية تشري القسرية من السوق (مصطفى زاد كمش وجهو في سيد القايد تيلمح لشكون هادي ؟حيت هو معادي بيها عبدة من عبيد القصر ) هادي بنت السي عبد سلام خت حسناء ...مصطفى عاد هز براسو
و هي تطلع القاسمية الشوفة في سيد القايد و شادة الحايك بسنيها لا يطيح : لا لا مكين لاش ا سيد القايد
القايد هز يدو كلمة وحدة عندو متعاود من وراها غير الصلاة على نبي : كملت كلامي
مصطفى نطق : ميكون غير كلام سيد القايد
القايد دار غا بنص دورة عند اسماعيل : يلاه نكملو طريقنا
القاسمية نقزت بالكلام : عافاك ا سيد القايد متخبرش با بهاد الفعلة
القايد بلا ميكمل فيها الدورة : بلاما تخلعي مغيسيق حد لخبار مصطفى وصلها لسوق و ديها لدار باها ....و دار بسلهامو كيف السلطان كيتمشى في ارضووو و قصرو و من وراه اسماعيل
و مصطفى : تعالي معايا ...دارت تشوف فيه غير بعينيها الباينة ...و حدرت الراس و تبعاتو ...وهو تيتمشى فوق ديك لرض نافخ ريشو ...و شانووو عالي غادي لطموبيلتو لي كانت هانان و منان في داك الزمان ...متكون غير عند سيدي و مولاي
أنت تقرأ
حسناء القايد (قصة رمضانية في طور الكتابة )
Romance⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️ ❌القصة ممنوعة من النشر او الاقتباس ...
