🌙حسناء القايد🌙
👑oumaima mega 👑
⚡54⚡
حكمها حكمة وحدة من خدودها و عينو زاغت و مالت لفمها ...لي عامر و منفوخ و معكر كيف حبة الرمان .. و بقا بينو و بين فمها غير شبر وكيتسمع غير صوت النفس و النهج بينهم ...و حسناء في يديه مخرجة فيه العينيين و قلبها طايح في ركابيها ...و كتشوف فيه غا يدير معاها شي حاجة عيب (زعمة بوسة عيب ) ...بدات تحرك في راسها يمين و ليسر باغا ترجع بلور ... و هو غير شادها بالقوة ...و كيكمش جبهتو و يربط غوباشتو و سنانو كيتكنزو ...تشهى غير بوسة من فمها ...و هي ولا هدات في يدو كلها كتحرك و تزعزع
هز فيها العين محمرها و غوت تاقفزااات : هدااااي ...وقفت في مكانها تتشوف وحش ماشي بنادم و نفسها كتدوي كتر منها و عيونها خوفانين منوو ..جبدها من خدودها و لصق صدرها مع صدرو و كلها خلاخل كتخرشش ... رجع عيونو قاسية لفمها هو كيلمس بصبعانو خدودها و طراوتهم ...لي ميتسخاش بيهم ...و رجع كيقلل في الشبورة لي بيناتهم ...يشم نفسها لي طالعة معطرة .... و قرب شفايفها لفمو ...و سهاا وهو كيتسنا غير امتا يدوقهم و يتبننهم ...تاهزت يدها و ضربت ليه يدو ...بعدتها على وجهها ... القايد صدماتو في ساع قرن الغوباشة ...و دور عينو مع يدو لي لاحتها ....و مع قصرها و خفتها تخشت تحت من دراعو و مشات هربانة تجارااا من ورااه ...دور غا يدو و شد من معصمها مقصح الشدة حيت بدا كيتعصب و يشطحو ليه القرودة ... و دور فيها العين بغوباشتها ...حسناء كتحرك و تحاول تفك في قبضة يدو من يدها و تطلع و تنزل قدامو
حسناء : بعد منيي متمسنييش بعد منيي خليني نمشيي بعد منييي .....و بداو عينيها يغرقوو في دموعها و نيفها يحمار و خدودها يتوردوو ...فخر الدين كيشوف فيها بعين كيف القرطاس ...و سنانو كيتغيضو عليها ...الكبرانية لي فيه و الهمة و الشان مرضاش ترفضو و ماتبغيهش ...جرها جرة صحيحة من دراعها ....تاجات تجريي بحيشها بريشها و خلاخلها يزغرتو و يغنيو ....ضربت مع صدرو و هز يدو لخرا لدراعها ...و صبعانو ترشكوو فيها (تخشاو فيها) ....بالاعصاب لي ركبت فيه....غوتت ا غوتة و نزلت دمعتها لي غا لاصقة تما ...و طلعها لعندو تاولات واقفة غير على صبعانها ....و خرج فيها عينوو و مكنزز على سنانو مابغاش يحط يدو عليها و لا يضربها : غاندوزهااا لييك هاد ليلة ا بنت الحداد وليني مرة خرى غايكون حسابك قاسي و في جهنام معايا ....قالها كي السم بين سنانو و هي غا تشوف و ترعد في يدو و مقصحها في دراعها وهو يلوحها كي العمارة فوق السرير ...على جهدها ...تاغوتت و جات على كرشها ....و دار نافخ ريشو و زنافرو و هاز منخارو لسماا مراضييش ...بهادشي مشا لباب و حلووو على جهدووو و خرج و خبطوو من وراها ....دار يدو ورا ضهرو و سنانو مزنكر عليهم....كانت تما عرشية مخبية ورا الخابية الكبييرة و تطل و تجيب و تدي في الخبارات ...بان ليها سيدها كيزرب في الخطاوي و شوكتو طالعة ... مايدور يمين مايدور شمال ...و نفسو عالية و صوت نهجو مسموع ...دارت تجري مشات من طريق لخرا باش توصلها سخونة للالها سلطانة
🌙حسناء القايد🌙
👑oumaima mega 👑
⚡55⚡
أنت تقرأ
حسناء القايد (قصة رمضانية في طور الكتابة )
Romance⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️ ❌القصة ممنوعة من النشر او الاقتباس ...
